Estatu Batuetan covid-19ak 135.000 heriotza eragin eta 3,29 milioi lagun kutsatu ditu
Johns Hopkins Unibertsitateak egindako ikerketa independente batek 3.297.501 koronabirus kasu eta 135.155 hildako zenbatu ditu. Larunbatetik igandera 57.794 positibo gehiago atzeman dira eta 426 heriotza berri erregistratu dituzte.
Azken astean Estatu Batuetan gaixotasunak 60.000 pertsona kutsatu ditu egunero, eta denbora tarte berean positibo kopuruak gora egin du herrialdeko 37 estatutan.
Gaixoen kopuruak %20 egin du gora 13 estatutan (Alabama, Alaska, Arkansas, Georgia, Hawaii, Idaho, Louisiana, Montana, Nevada, Oklahoma, Hego Carolina, Tennessee eta Virginia), eta %10 egin du gora beste 22 estatutan.
Momentuz, New York da pandemiak gogorren jo duen estatua, 406.403 positibo atzeman dituzte bertan, eta 32.029 pertsona hil direla uste da. Zifra horiek Brasilek, Erresuma Batuak, Italiak eta Mexikok bakarrik gainditzen dituzte.
Gertutik jarraitzen die, ordea, New Jerseyk 15.525 hildakorekin, Massachusettsek 8.310 heriotzarekin eta Illinoisek 7.372 hildakorekin.
Heriotza asko erregistratu dituzten beste estatu batzuk Kalifornia (7.014), Pennsylvania (6.950), Michigan (6.316) eta Connecticut (4.348) dira.
Kutsatutako pertsonei dagokienez, New Yorken atzetik kokatzen da 320.957 kasurekin, Florida hirugarren postuan, 269.803 positiborekin, eta Texas laugarrenean, 269.803 gaixorekin.
Etxe Zuriak pandemia hasieran, kasurik onenean, hildakoen kopurua 100.000 eta 240.000 artekoa izatea espero bazuen ere, Johns Hopkins Unibertsitatearen behin behineko hildako balantzearen arabera, heriotza errealak aurreikuspenak gainditu ditu.
Bere aldetik, Washingtongo Unibertsitateko Osasun Metrika eta Ebaluazioen Institutuak (IHME) egindako estimazioen arabera, urrian Estatu Batuetan covid-19aren ondorioz hildako pertsonen kopurua 185.000 ingurukoa izango da.
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.