Amerikako Estatu Batuetan 3 milioi pertsona baino gehiago kutsatu dira
Ameriketako Estatu Batuak dira mundu mailan koronabirusaren pandemia gehien jasaten ari direnak. Horren erakusle da gaur bertan 3 milioi kutsatuen langa igaro dutela. Kutsatuen gorakada nabarmena eman da Kalifornian, Arizonan, Texasen eta Floridan.
Johns Hopkins Unibertsitatearen kontaketa independentearen arabera, AEBetako kutsatu kopurua 3.009.611 pertsonakoa da, eta dagoeneko 131.594 hil dira COVID-19ak jota.
New York da pandemiak gogorren jo duen estatua: 398.237 kasu konfirmatu dituzte eta 32.243 pertsona hil dira han. Brasil, Erresuma Batua eta Italia baino zifra bat beherago bakarrik.
Kutsatzeez ari garenean, Kalifornia da New Yorken atzetik kasu gehien konfirmatu dituena: 284.139. Hirugarrena Texas da 216.026 kutsaturekin eta laugarrena Florida, 213.794 kutsaturekin.
Behin behineko hildakoen balantzeak (131.594) Etxe Zuritik hasieran egindako lehen estimazio baxuenak gainditu ditu. Kasu onenean 100.000 eta 240.000 hildakoren arteko kalkulua egin zuten.
Donald Trump presidenteak estimazio horiek jaitsi eta azken zifra 50.000 eta 60.000 hildakoen artean egongo zela esan zuen, nahiz eta bere azken kalkuluetan, zifrak 110.000 hildakora altxa zituen.
Washingtongo Unibertsitateko Osasun Metrika eta Ebaluazioen Institutuak (IHME), bestalde, pandemiaren aurrerapausoen estimazioetan (Etxe Zuriak askotan jartzen du begirada kalkulu horietan) aurreikusi dute AEB urrirako 175.000 hildakoetara iritsiko dela.
Zure interesekoa izan daiteke
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.