Ukrainako lehen ministro ohia, egoera larrian koronabirusagatik
Ukrainako lehen ministro ohia eta egun Batkivschina alderdiko parlamentuaren burua, Yulia Timoshenko, osasun-egoera larrian dago koronabirusarekin kutsatu ostean, bere bozeramaileak, Marina Sorokak, jakinarazi duenez.
“Zoritxarrez, egia da. Positibo eman du covid-19aren proban. Bere egoera larria dela diote medikuek, 39ºC-ko sukarrarekin”, azaldu du Sorokak Facebookeko argitalpen batean eta RIA Novosti albiste agentzia ofizialean.
Yulia Timoshenko, 59 urtekoa, bi aldiz izan zen Ukrainako presidente, lehen aldiz 2005eko otsailetik irailera bitartean, eta 2007ko abendutik 2010eko martxora artean bigarren aldian.
Ukrainak koronabirusaren gorakada handia izan du azken aste honetan, azken 24 orduetan, esaterako, 2.328 positibo berri atzeman dira. Pandemia hasi zenetik 104.958 pertsona kutsatu, eta haietatik 2.271 hil dira.
Lehen ministro ohia Ukrainako 2004ko Iraultza Laranjaren lider bezala egin zen ezagun, non mendebaldearen aldeko Viktor Yushchenko presidente bezala berretsia izan zen. Auzitegi batek hautaketaren emaitza bere aurkaria zenaren alde manipulatua izan zela adierazi zuen, eta horrenbestez Yushchenko berretsi zuten presidente modura.
Timoshenkok bi aldiz bete zuen lehen ministro kargua Yushchenkoren agindupean, tentsio politikoaren ondorioz biak banatu aurretik.
Albiste gehiago mundua
Ehunka lagun abiatu dira Euskal Herritik Bartzelonara igande honetan Gazara aterako den ontzidiari babesa ematera
Bart gauean autobusak atera dira euskal hiriburuetatik Zerrendara janaria eta sendagaiak eramateko eta Israelek egiten duen blokeoa eta genozidioa salatzeko helburuz abiatuko den ontzidiari babesa ematera.
Igande honetan abiatuko da Bartzelonatik Gazara janaria eta sendagaiak eramango dituen flotilla
14:00ean atera dira berrogeita hamar ontzi inguruak, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die igandean Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.
Israelek Yemengo huthien lehen ministroa hil du Sana hiriburuaren aurkako eraso batean
Israelgo Armadak ostegunean Sana hiriburuaren aurka egindako erasoan hil zen. Erasoaren unean Defentsa ministroa eta Estatu Nagusiko buruarekin bilera egiten ari zen, baina momentuz ez dute horien egoeraren berri eman.
Andri Parubi Ukrainako Parlamentuko presidente ohia hil dute atentatu batean
Tirokatu egin dute Lviv hirian. Poliziak ikerketa abiatu du, baina oraingoz ez dute inor atxilotu. Volodimir Zelenski Ukrainako presidenteak doluminak eman dizkio hildakoaren familiari, eta "hiltzailea zigortzeko eta ikertzeko beharrezkoak diren baliabideak" erabiliko dituztela ziurtatu du.
Espainiak "Gazarako ekintza-plan bat" bidali die EBko buruzagiei
Jose Manuel Albares Espainiako Atzerri Gaietarako ministroaren arabera, "une guztiz erabakigarria da", "erantzun indartsua" eskatzen duena, "ezer ez egiteak ez duelako ezer konpondu". Irtenbide bakarra bi estatu sortzea dela esan du, eta palestinarren ordezkariek NBEren konferentzian parte hartzeko aukerarik ez izatea gaitzetsi du.
Palestinaren aldeko artista juduen kolektibo batek BBCren kontzertu bat eten du, Londresen
"MSOk odola du eskuetan", oihukatu dute Jewish Artists for Palestine (Artista juduak Palestinaren alde) taldeko aktibistek Melbourneko Orkestra Sinfonikoak (MSO) ostiralean Londresko Royal Albert Hall aretoan eskaini duen emanaldian. Urtero udako kontzertuak antolatu ohi ditu BBCk, 'BBC Proms' ekimenaren baitan.
Epaile federal batek blokeatu egin ditu Trumpen deportazio azkarrak, derrigorrezko prozesua urratzen dutelakoan
Urtarrilean, Trumpek etorkinen "berehalako kanporatzeak" berrezarri zituen, lehen agintaldian (2017-2021) egin zuen moduan.