Larrialdi egoera ezarri dute Wisconsinen, azken orduetan izandako protesten aurrean
Tony Evers Wisconsin estatuko gobernadoreak larrialdi egoera ezarri du, azken orduetan izandako protesten ostean. Izan ere, ehunka pertsona kalera atera dira Kenosha hirian, Ameriketako Estatu Batuetako (AEB) ipar-ekialdean, polizia batek afroamerikar gazte bati bizkarretik zazpi aldiz tiro egin ostean. Gainera, ezezagun batzuek lapurretak egin dituzte hainbat saltokitan.
Bigarren protesta egunean, Eversek Guardia Nazionaleko 250 agente inguru zabaldu ditu estatuan, baina gertatutakoa gaitzetsi du eta herrialdean "arrazakeria eta bidegabekeria sistematikoaren zikloarekin ez jarraitzeko" eskatu du.
Gauzak horrela, "kaltearen eta suntsiketaren bidean" ezin dela jarraitu azpimarratu du. Bien bitartean, Jacob Blake, 29 urteko afroamerikarrak larri jarraitzen du ospitalean. Agente batek zazpi aldiz tirokatu ostean, gerritik behera gorputza paralizatuta dauka, eta medikuek ez dakite berriro ibiltzeko aukera izango duen ala ez, aitak CNN kateari azaldu dionez..
Ben Crump haren abokatuak ABC News telebistan azaldu duenez, gaztea zainketa intentsiboetako unitatean dago, eta ebakuntza gehiago egin beharko dizkiote datozen orduetan.
Autoan sartzerakoan egin zion tiro poliziak. Une horretan, autoaren barruan Blaken hiru seme-alabak zeuden, 3, 5 eta 8 urtekoak. Gertakariak, manifestazio olde berria eragin du herrialde osoko hirietan, hala nola, New Yorken, Portlanden eta Oregonen. Ildo horretatik, beltzen aurkako poliziaren indarkeria salatzeko protestak eta manifestazioak nabarmen ugaritu dira herrialdean azkenaldian, batez ere George Floyd eta Breonna Taylor hil ostean.
Bestalde, astearte honetan, azaroko hauteskundeei begira egindako Errepublikanoen Batzordean, Nikki Haley Hego Carolinako gobernadore ohiak demokraten arteko "moda" batekin lotu du "orain AEB arrazista dela esatea".
"Hori gezurra da. AEB ez da herrialde arrazista", esan du Tim Scott senatari errepublikanoak Goi Ganberan.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.