Sally urakanak kalteak utzi ditu AEBko hego-ekialdean
Sally urakanak euri-jasa bortitzak utzi ditu AEBko hego-ekialdean. Gutxienez pertsona bat hil zen ostegunean; urak zubiak eta errepideak suntsitu eta ehunka mila estatubatuar argindarrik gabe utzi ditu.
Sallyk euri-jasak eta uholdeak eragin ditu Alabaman eta Georgian, Hego eta Ipar Carolinara bidean. Urakana orduko 39 kilometroko abiaduran doa ipar-ekialderantz, AEBko Urakanen Zentro Nazionalak azaldu duenez.
Asteazken goizaldean, Gulf Shores (Alabama) astindu zuen Sallyk. Orduko 105 miliako haize-ufadak utzi zituen. Pertsona bat hil zen bertan.
Urak zonalde asko hartu ditu, eta uholdeek 60 zentimetroko ur maila gainditu dute. Pensacolan (Florida), esaterako, bost oineko altuera harrapatu duten uholdeak izan dituzte, eta eskualdean bidaiatzea zaila izan da errepideen eta zubien egoeragatik. 433.000 bat etxebizitza eta saltoki argindarrik gabe geratu dira Alabaman, Georgian eta Floridan.
Floridan, ez da hildakorik izan, baina 120 pertsona erreskatatu behar izan dituzte larrialdietarako zerbitzuek eta Guardia Nazionalak.
Zerbitzu publikoetako enpresak argindarra berreskuratzeko lanean ari dira Alabaman eta Floridan, urrutiko estatuetatik ekarritako ekipoekin.
Ostegunean, beste ekaitz tropikal bat garatzen ari zen Mexikoko golkoan. Datozen 48 orduetan zikloi bihurtu daiteke.
Gainera, beste bi ekaitz Atlantikoan daude. Urakan denboraldi oso aktiboa izaten ari da Ozeano Atlantikoan.
Zure interesekoa izan daiteke
2006tik Libanoko hegoaldean egin duen lurreko inbasio handiena prestatzen ari da Israel, Axios atariaren arabera
"Helburua da lurralde horren kontrola bereganatzea, Hezbollahren indarrak iparraldera (mugatik urruti) eramatea eta herrixketako gune militarrak eta arma-biltegiak suntsitzea", esan du Axios atariak.
AEBk Bagdaden duen enbaxadari eraso diote
Drone batekin egindako erasoak kalte handiak egin ditu Irakeko hiriburuko erdigunean dagoen eraikinean, baina oraingoz ez dute jakinarazi biktimarik izan den ala ez.
AEBk Kharg uhartea bonbardatu du, eta Iranek erantzun du Arabiar Emirerri Batuetan erasotzeko eskubide "legitimoa" duela
AEBk irandarren 90 bat base militar baino gehiago jo ditu uhartean. Teheranek estatubatuarren baseen aurkako erasoak egiten jarraitu du Persiar golkoko herrialdeetan, eta Israeli ere eraso dio.
Kubak eta AEBk elkarrizketak abiatu dituzte, Trumpen mehatxuen ondoren
Aurreneko kontaktuen helburua izan da arazoak "identifikatzea", horientzako "konponbideak aurkitzea" eta "bi herrialdeen onurarako ekintzak zehaztea".
AEBk Errusiako petrolioaren gaineko zigorrak leuntzea kritikatu dute Europako buruzagiek
Volodimir Zelenski Ukrainako presidenteak ohartarazi du zigor horiek leuntzeak Moskuren jarrera indartzen duela, eta 10.000 milioi dolar gehiago ematen dizkiola Ukrainaren aurkako gerrarekin jarraitzeko.
NASAk apirilaren 1ean abiatuko du Artemis II misioa, 50 urten Ilargira egingo duten lehen hegaldi tripulatua
AEBko espazio agentziaren Artemis II misioa martxoan zen abiatzekoa, baina atzeratu egin zuten.
AEBk Errusiako petrolioa erosteko aldi baterako baimena eman du, prezioen igoerari eusteko
Bestalde, Donald Trumpek ohartarazi du "su potentzia paregabea, munizio mugagabea eta denbora" dituela Iran gidatzen duen "zabor zoroari" aurre egiteko.
700 pertsona inguru hil dira Israelek Libanon egindako erasoetan
Israelgo Gobernuak Libano "hartzeko" mehatxua egin du ostegun honetan, Hezbollahren "mehatxuari" aurre egiteko asmoz. "Bakea eta Segurtasuna agindu genien iparraldeko komunitateei, eta horixe da, hain zuzen ere, egingo duguna", azpimarratu du Israelek.
Ormuzko itsasarteak itxita jarraitu behar duela azpimarratu du Irango buruzagi goren berriak
Ormuzko itsasartea blokeaturik jarraitu behar duela esan du Mojtaba Khameneik, "etsaiari presio egiteko", inguruko ontzien aurkako erasoen ostean. "Irango indar armatuek aberria menderatzeko, eta, litekeena, zatitzeko itxaropena kendu diete etsaiei", adierazi du Khameneik.
Irango gerrak egunean 10 milioi petrolio upel galtzea eragin du, eta upelaren prezioa 100 dolarren bueltan jarri du
Energiaren Nazioarteko Agentziaren (IEA) azken txostenaren arabera, Ormuzko itsasartean itsas-trafikoa etetearen ondorioz, egunean 10 milioi upel galdu da merkatuetan. Ormuzko itsasarteko fluxua % 10 baino gutxiagora murriztu da, krisia hasi aurreko egoerarekin alderatuz gero. Izan ere, 15 milioi upel petrolio gordin igarotzen ziren egunean, eta 5 milioi upel petroliotik eratorrita produktuekin. Munduko eskaintzaren % 20 inguru.