Karabakh Garaiko 31 militar hil dira Armeniaren eta Azerbaijanen arteko liskarretan
Karabakh Garaiko 31 militar hil dira azken orduetan Armeniaren eta Azerbaijanen arteko liskarretan, Karabakh Garaiko presidente Araik Arutjunianek Facebooken duen orrialdean jakinarazi duenez.
Sare sozialetan partekatutako mezu horretan esandakoaren arabera, "dozenaka" militar hil dira. "Zibilen artean ere dozenaka zauritu dira, eta hildakoak ere badaude", erantsi du.
Arutjunianen esanetan, Azerbaijanek "F-16 ehiza-hegazkin turkiarrak" erabili ditu. "Duela hilabete-edo ekarri zituzten, maniobra batzuetan erabiltzeko zirela esanez", zehaztu du.
Presidenteak ez du zehaztu zenbat militar hil diren, baina Karabakh Garaiko Defentsa Ministerioak esan du 31 izan direla, eta horien izen-abizenak eman ditu jakitera.
Horren aurretik, Karabakh Garaiko agintariek eta Nikol Pashinyan Armeniako lehen ministroak gerra-legea ezarri eta mobilizatzera deitu dituzte herritarrak. "Ilham Aliyev Azerbaijango presidentearen erregimen autoritarioak istiluak berrabiarazi ditu. Gerra deklaratu dio Armeniako herriari", esan zuen Pashinvanek.
Bestalde, Azerbaijanek iragarri du eskualde horretan dituzten instalazio militarren kontra egin duela Armeniako Armadak, baina ez du zehaztu zenbat pertsona zauritu diren.
Armenia eta Azerbaijan gerran daude 1991tik, baina su-etena sinatu zuten hiru urte geroago, gaurdaino indarrean egon dena, nahiz eta bi aldeek etengabe urratu.
Borrokaldiak berehala eteteko eskatu du NBEk
Antonio Guterres Nazio Batuen Erakundeko (NBE) idazkari nagusiak istiluak "berehala" bertan behera uzteko eta negoziazioaren bidera itzultzeko eskatu die bi aldeei.
Guterresek indarkeria arbuiatu du eta izandako biktimak deitoratu ditu, haren bozeramaile Stephane Dujarricen esanetan. Horren hitzetan, Guterresek Azerbaijango zein Armeniako presidente eta lehen ministroarekin hitz egingo du datozen orduetan.
NBEko idazkari nagusiak "Minskeko Taldearen garrantzia" azpimarratu du. 1992tik Kaukaso hegoaldeko eskualde horretan gatazka bide baketsuetatik konpontzeko lanean ari den nazioarteko foroa da Minskeko Taldea.
NBEko idazkari nagusiak "Minskeko Taldearen garrantzia" azpimarratu du, 1992tik Kaukaso hegoaldeko eskualde horretan gatazka bide baketsuetatik konpontzeko lanean ari den nazioarteko foroarena.
Zure interesekoa izan daiteke
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.