"Ultraeskuineko kolpismoa", demokraziarentzako mehatxu nagusia
Pablo Iglesias Espainiako presidenteordeak eta Jose Luis Rodriguez Zapatero Espainiako gobernuburu ohiak adierazpen bateratu bat sinatu dute, beste hainbat buruzagi eta agintari ohirekin batera. “Ultraeskuineko kolpismoa” demokraziarentzako eta bake sozialerako mehatxu nagusia dela ohartarazi dute guztiek.
Era berean, demokraziaren defentsarako ‘La Pazeko Adierazpena’ babestu dute Luis Arce Boliviako presidente berriak, Alberto Fernandez Argentinako homologoak eta Iglesiasek berak; Hegoamerikako herrialdearen hiriburuan elkartu dira hirurak.
Evo Morales (Bolivia), Rafael Correa (Ekuador), Dilma Rousseff (Brasil), Alexis Tsipras (Grezia) eta Zapatero presidente ohiek ere adierazpenari babesa eman diote.
Ezkerreko beste hainbat hautagaik eta buruzagik ere bat egin dute, besteak beste, Andres Arauz, (Ekuador), Danien Jadue (Txile), Gustavo Petro (Kolonbia), Veronica Mendoza (Peru), Jean Luc Melenchon Frantzia Intsumisoko buruzagia eta Caterina Martins Portugaleko Bloco de Esquerdaren agintariak.
Agiriaren arabera, koronabirusaren pandemia larriak eragindako krisiak antolakuntza sozialaren “ahultasun nagusiak” agerian utzi ditu.
“Osasun sistemen eta zerbitzu publikoen ahultasuna; Estatuen gizarte babeserako mekanismoen gainbehera, neoliberalismo urte askoren ondorio; enpresaburuen mesede esklusiborako erabili diren etekin ereduak sozial, ekonomiko eta ekologikoki jasangarriak ez direla; eta, bereziki kezkagarria, mundu osoko sistema demokratikoek aurre egin behar dieten arriskuei”, aipatu dituzte.
Gainera, demokrazia “mehatxupean” dagoela azpimarratu dute sinatzaileek, eta horren adibide bezala “azken hilabeteetan Bolivian izan diren gertakariak” jarri dituzte: Evo Morales kargua uztera behartu zuten. “XXI. mendean, demokraziaren eta bake sozialaren mehatxu nagusia ultraeskuineko kolpismoa da”, berretsi dute.
“Ultraeskuina hedatzen ari da, tresna politiko gisa gezurra eta aurkari politikoen difamazioa erabiliz, jazarpen eta indarkeria politikoaren aitzakiarekin, ezegonkortasuna eta boterera heltzeko modu antidemokratikoak bultzatzen ditu”, ohartarazi dute buruzagiek eta agintari ohiek.
“Ekintza antidemokratikoa, euren zerbitzura dauden komunikabideak dauden tokietan areagotzen da, eragiteko botere ikaragarria dutelako, manipulatuz eta demokraziak bahituz, interes politiko eta ekonomiko propioak defendatzeko”, nabarmendu dutenez.
Arce karguaz jabetu da gaur Bolivian. Ekitaldia aprobetxatuz, adierazpenari Boliviako hiriburuaren izena jarri diote, “herrialdea kolpismoari aurre egiteko erantzunaren eredu” bihurtu delako.
“Adierazpenaren sinatzaileek, Europako eta Iberoamerikako gobernariek, presidente ohiek eta buruzagi aurrerakoiek, demokrazia, bakea, giza eskubide eta justizia sozialaren alde elkarlanean aritzeko konpromiso historikoa berresten dugu, ultraeskuineko kolpismoaren mehatxuaren aurrean”, azaldu dute.
Zure interesekoa izan daiteke
2040rako CO2 isurketak % 90 murriztea adostu dute EBko herrialdeek, baina malgutasunez
EBko herrialdeetako ministroek adostutako helburu lotesle horri esker, atzerriko karbono-kredituak erosi ahal izango dituzte isuriak murrizteko helburuaren % 5 betetzeko. Brasilen izango den COP30 Klima Aldaketari buruzko Nazio Batuen Goi-bilera hasi baino ordu gutxi batzuk lehenago egin dute akordioa.
Albiste izango dira: Zohran Mamdaniren garaipena New Yorken, Donostiako masajistaren aurkako epaia eta Dani Alvarezek Euskal Kazetarien Saria jasoko du
Gaurkoan Orain-en albiste izango direnen laburpena, bi hitzetan.
Nor da Zohran Mamdani, Trumpen amesgaizto berria?
34 urterekin, Mamdani alderdi demokrataren barruko olatu aurrerakoia, kultura aniztasunaren aldekoa eta ezkerzale berriaren izarra da. New Yorkeko alkate berriak boto gazte eta multikulturala bereganatzea lortu du, etxebizitza eskuragarrian eta ezker demokrataren berrikuntzan oinarritutako mezuari esker.
Mamdanik hauteskundeak irabazi ditu New Yorken eta "gizadiarentzat hobea den egun baten egunsentia" agindu du
Zohran Mamdani demokrata New Yorkeko historiako lehen alkate musulmana izango da, botoen % 50 baino gehiago eskuratuta. "Hiri berpiztu bat" gidatuko duela eta "islamofobia eta antisemitismorik gabe" denontzat gobernatuko duela agindu du.
Dick Cheney AEBko presidenteorde ohia hil da, 84 urterekin
George W. Bushen Gobernuko bigarrena Defentsa Saileko buru ere izan zen, eta garai batean Alderdi Errepublikanoaren zutabeetako bat.
Zohran Mamdani, New Yorkeko eraberritze aurrerakoia gorpuzteko prest dagoen gizona
34 urterekin, Mamdanik Alderdi Demokratako olatu aurrerakoi, kulturaniztun eta ezkertiar berria irudikatzen du, eta astearte honetako New Yorkeko Alkatetzarako hauteskundeak irabazteko faborito argia da. Bere alderdiko liderren babes argirik ez duen arren, ezkerrera biratu eta izaera sozialeko politika publikoen egarri diren gazteen babesa du.
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haur guztien % 32 indarkeria armatuaren eraginpean bizi dira. 2024an, egunero, batez beste, 78 haur erailketen, bahiketen, sexu-erasoen eta mutilazioen biktima izan ziren, besteak beste.
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".