Ehunka manifestarik Guatemalako Kongresua hartu dute, eta ondoren su eman diote
Ehunka manifestarik Guatemalako Kongresua hartu dute larunbat honetan, eta ondoren zenbait bulegori su eman diete. Dagoeneko segurtasun indarrek eta suhiltzaileek Ganbera hustu dute. Era berean, suhiltzaileek sutea itzali dute jadanik.
Manifestariek, gehienak kaputxadunak, Parlamentuaren kanpoko atea hautsi dute, baita leihoak ere, eta barnealdera suzko zuziak bota dituzte. Barruan aurrera egin dute, instalazioak suntsitzeko asmoarekin.
10 bat minututan zehar, kaosean murgilduta, manifestariek Kongresuaren zati bati su ematea lortu dute, baita inguruan topatzen zuten guztia birrindu ere.
Diputatuak ez zeuden Ganbera barruan, eta oraingoz ez dute erasoan zauritu edo hildakorik baieztatu. Kongresua Guatemala hiriaren erdialdean dago.
Minutuak aurrera egin eta negar eragiteko gasarekin manifestariak sakabanatzea lortu Polizia Nazionalak.
Guatemalako Parlamentua, sutan. Argazkia: EFE
Suhiltzaileak bertaratu dira, sua itzaltzeko. Oraingoz ez dute kalteen berri eman.
Artistek eta dozenaka kolektibok eta elkartek manifestazioa deitu dute larunbat honetarako, 2021ko aurrekontuen aurka protesta egiteko. Alejandro Giammatteiren Gobernuak aurkeztutako aurrekontuak onartu ditu Parlamentuko gehiengo ofizialistak.
Manifestazio baketsua
Horrela, ehunka manifestarik Kongresua hartzen zuten bitartean, milaka pertsonak Giammatteiren aurka modu baketsuan protesta egin dute kilometro eskas batera, Kultura Jauregi Nazionalaren (Gobernuaren egoitza) aurrean.
Guatemalako presidenteak sare sozialetan mezu bat zabaldu du. “Legearen barruan protesta egiteko eskubidea dute”, baina “ondasun publikoak edo pribatuak suntsitzea ezin dugu onartu”, adierazi du buruzagiak.
Aurrekontuak iragan asteazken goizaldean onartu zituzten, Ganberako 160 diputatuek aztertzeko aukera izan gabe. Horrek Giammatteiren eta Kongresuaren aurkako protestak eragin ditu.
Ostiral gauean, Giammatteik aurrekontua berriro berretsi ondoren, herrialdea “ongi” ez dagoela ziurtatu zuen Guillermo Castillo presidenteordeak prentsaurrekoan, eta Giammatteiri dimisioa emateko eskatu zion, herriari “arnasa” emateko.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.