Senatari eta diputatuak zituzten jomugan Kapitolioko erasotzaileek, fiskalen arabera
AEBko fiskalek ostiral honetan baieztatu dute Kapitolioaren aurka oldartu ziren Donald Trumpen jarraitzaileen asmoa zela, Joe Bidenen kargu-hartzean, senatari eta diputatuak "bahitu eta hiltzea".
Horixe da, hain zuzen, CNN telebista kateak jasotako txosten judizialak aurreratu duena. Horren bidez, Jacob Anthony Chansley erasotzailea zaintzapean eduki nahi zuten.
Kapitolioko Poliziak emandako informazioaren arabera (txostenean jasotako datuak dira), Chansleyren itxura nabaria zen. Mozorrotuta zegoen, bi metroko lantza zeraman eta aurpegia margotuta zeukan. Eraso horretako ikonoetako bat bihurtu da.
"Argi dago erasotzaileen asmoa zela senatari eta diputatuak bahitu eta hiltzea, Cansley beraren hitzek eta ekintzek ere horixe erakusten dute", esan dute fiskalek idatzi batean.
Prentsaurrekoan, AEBko legegileak bahitu gisa hartu edo horiek hiltzeko aukeraz galdetuta, Michael Sherwin Columbiako fiskal nagusiak esan du agintariek ez dutela froga garbirik.
Gainera, Sherwinek azaldu du ikertzaileek 275 kasu abiatu dituztela erasoarekin lotutako pertsonak aurkitzeko, alegia, Kapitolio barruan zein kanpoan indarkeria erabili zuten erasotzaileak identifikatu ahal izateko. Zentzu horretan, gaineratu du "aurki" 300 izan litezkeela kasu horiek.
Albiste gehiago mundua
Jende multzo baten kontra egin du auto batek Los Angelesen eta 30 zauritu utzi ditu, zazpi egoera kritikoan
Gutxienez 30 pertsona zauritu dira, horien artean zazpi egoera kritikoan eta sei larri, gaur goizaldean Los Angelesen (AEB), oraindik argitzeke dauden arraoizengatik izandako harrapaketa batean. Poliziaren bozeramaileak jakinarazi duenez, ibilgailu bat 02:00ak aldera (11:00ak Euskal Herrian) The Vermont Hollywood kontzertu-aretora sartzeko zain zegoen jendearen kontra joan da. Gidaria ospitalera eraman dute ebakuntza egitera eta oraindik ezin izan da argitu alkoholaren edo drogen eraginpean ote zegoen.
Israelek 48 pertsona hil ditu Gazan, horietatik 32 elikagaia banatzeko puntu batera iritsi nahian zebiltzanak
Tropek banaketa puntua inguratu eta bertara iritsi nahian zebiltzan milaka palestinarren aurka tiroka hasi dira soldadauk, lekukoen eta tokiko iturrien arabera.
AEBk El Salvadorrera deportatutako 252 preso Venezuelara bueltan dira
Trukean, Venezuelak 10 preso estatubatuar eman dizkio AEBri. Maduroren Gobernuak eskerrak eman dizkio Jose Luis Rodriguez Zapatero Espainiako Gobernuko presidente ohiari egin dituen bitartekaritza lanengatik, eta Donald Trump AEBko presidenteari, "egoera guztiz irregular hau zuzentzeko erabakiagatik".
Brasilgo Justiziak Bolsonarori orkatilako elektroniko bat jarri dio haren mugimenduak kontrolatzeko, Trumpen mehatxuei aurre eginez
Erabakia Alexandre de Moraes epaileak hartu du. Bolsonarori "justizia oztopatzea" egotzi dio. Era berean, epailearen ahotan, buruzagi ohi ultraeskuindarrak "atzerriko gobernu bat Brasilen aurka egitea eskatu, bultzatu eta lagundu du".
Tomorrowlandek agertoki nagusi berri batekin ireki ditu ateak
Eszenatoki berria sugarrek kiskali zuten jatorrizko eszenatokiaren hezurdura suntsituaren aurrean jarri dute. Oraindik ez da ezagutzen sutearen arrazoia, baina zenbait hedabideren arabera, sua hasi aurretik su artifizialak entzun ziren.
Salvini berriro epaituko dute, errefuxiatuz betetako Open Arms ontzia 2019an Lampedusan porturatzea eragozteagatik
Salvinik, orduko Barne ministroak, Open Arms itsasontzi batek erreskatatutako 147 migratzaile lehorreratzea galarazi zuen 20 egunez. Palermoko auzitegi batek botere-abusu eta askatasun-gabetze karguetatik absolbitu zuen orduko Barne ministroa 2024an.
Poliziak Bolsonaroren etxea miatu du eta AEBetako Gobernuarekin maniobrak egitea leporatu dio, Brasil zigortzeko
Brasilgo Poliziaren arabera, Jair Bolsonaro Brasilgo presidente ohiak eta haren seme Eduardok Estatu Batuetako Gobernuarekin maniobrak egin dituzte azken hilabeteetan, "Brasilgo Estatuko agente publikoei" zigorrak ezartzeko eta Gorte Gorena buruzagi ultraren aurkako epaiketa artxibatzera behartzeko.
Etxe Zuriak Maurene Comeyren, Jeffrey Epstein auzipetu zuen fiskalaren, kargugabetzea baieztatu du
Bestalde, Comeyk "arrazoirik gabe" kaleratu dutela salatu du, eta Donald Trump AEBko presidenteari egindako akusazioan, "beldurra tirano baten tresna" dela adierazi du.
Gainpopulazioa Europako kartzeletan
Kontseilu Europarrak kontinenteko espetxeetako masifikazioari buruz ohartarazi du; izan ere, badira plaza erabilgarriak baino preso gehiago dituzten herrialdeak.
Israelek 500 pertsona baino gehiago hil ditu azken bost egunetan Gazan
Gaur goizean bertan, Israelek gutxienez hiru pertsona hil ditu Gazan dagoen parrokia katoliko bakarraren aurka egindako bonbardaketan. Eliza ehunka errefuxiaturen babeslekua da.