AEBko hotz-boladak 23 hildako utzi ditu, eta lau milioi etxe, argindarrik gabe
Uri ekaitzak Ameriketako Estatu Batuetako eremu handi bat astindu du, eta 20 bat hildako utzi ditu eroriko, harrapatze, zirkulazio-istripu, argindarrik gabe dauden etxeetako sute eta karbono monoxidoa arnastuta izandako intoxikazioen ondorioz. Gainera, ia lau milioi herritar elektrizitaterik gabe geratu dira; horietako hiru milioi, Texasen.
Hornidura elektrikoaren faltak gorabehera ugari eragin ditu: Houstongo ospitaleak kolapsatu egin dira, osasun-langileen arabera, herritarrek bero mantentzeko bitarteko “arriskutsuak” erabiltzen dituztelako. Estatuko gobernadoreak esan duenez, sarea ez da fidagarria, eta Texasko Fidagarritasun Elektrikoaren Kontseiluari auziaren inguruko ikerketak egiteko eskatu dio.
Administrazio Ozeaniko eta Atmosferikoaren Uraren Iragarpenerako Bulegoak esan duenez, asteartean herrialde osoaren % 73tik gora estali du elurrak, eta 48 estatuetatik 45 zurituta geratu dira.
Gainera, gutxienez 20 hirik historian inoiz izandako hotz handiena jasan eta duela mende bat ikusi ez diren tenperatura minimoak erregistratu dituzte. Oklahoman, adibidez, 14 gradutik beherako tenperaturak izan dira.
Tenperatura hotzek astearen amaierara arte iraungo dute, baina, herrialdearen hegoaldean kalteak utzi ondoren, ekaitzak ipar-mendebalderantz joko du. Mississippi, Oklahoma, Tennessee eta Texas estatuetako eremu batzuk eta Arkansas osoa alertan daude elur, elurbusti eta euri asko egin dezakeelako.
Bestalde, hotz-bolada covid-19aren aurkako txertoen banaketa oztopatzen ari da, eta, ondorioz, txertaketa prozesuan atzerapenak izaten ari dira. Miami-Dade konderrian (Florida), 2.000 pertsona geratuko dira bigarren dosia jaso gabe; Coloradon, 133.000 txertoren bidalketari eragingo dio, eta Ohion, bi eguneko atzerapena izan daiteke txerto horiek banatzeko prozesuan, Mike Dewine gobernadoreak azaldu duenez.
Zure interesekoa izan daiteke
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.
NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.