Europar Batasunak txertaketa-pasaportea udarako prest izango duela esan du Merkelek
Angela Merkel kantziler alemaniarrak iragarri duenez, Europar Batasuneko (EB) herrialdeek udarako jarriko dute martxan koronabirusaren txertaketari buruzko pasaportea. Agiri horrekin posible izango litzateke EB barruko herrialde batetik bestera bidaiatzea.
Gainerako gobernuburuekin bilera telematikoa amaitu ostean, Merkelek azaldu du agintari guztiak bat datozela eta txertaketa-pasaporte ezberdinak bateratzeko sistema bat garatzeko erabakia hartu dutela.
Horrela, bada, Europako Batzordeak hiru hilabeteko epea dauka sistema berri hori definitzeko, eta, Merkelen esanetan, "udarako prest" egongo dela espero dute.
Merkelek ez du turismoa aipatu ere egin, baina esan du pasaporte horrekin Europar Batasunaren baitan bidatzea posible izango litzatekeela, "eta, agian, baita kanpoko beste herrialde batzuetara ere".
Hori bai, kantzilerrak ohartarazi du kontrolerako sistema berriaren gai teknikoez gain, ikuspegi politikoa ere aztertu behar dagoela. Ildo horretan, adierazi du bidaiak baimendu aurretik herritar guztiei bermatu behar zaiela txertoa jartzeko aukera. "Bestela egitea injustua izango litzateke", iritzi dio.
Horrez gain, zehaztu du txertaketari buruzko pasaportea nazioarteko bidaiak segurtasunez egiteko beste dokumentu "osagarri bat" izango dela.
Egun, estatuek PCR probak exijitzen dituzte beren herrialdeetan sartu ahal izateko eta gutxienez bost eguneko koarentenak egin behar dituzte bidariek, covid-19a hedatzea saihesteko asmoz.
Hobeto "egiaztagiri" deitzea
Silvia Calzon Espainiako Osasun Estatu idazkariak adierazi du "egokiagoa" dela covid-19aren txertoaren "egiaztagiria" deitzea "pasaportea" esan beharrean, eta aitortu du Europar Batasunean eztabaida dagoela bidaiatzeko erabiltzearen inguruan, nahiz eta ados egon erabilera "klinikoan".
Zentzu horretan, Ursula von der Leyen Europako Batzordeko presidenteak esan du oraindik neurriaren izaera politikoaren "kontu batzuk irekita" daudela, eta "lehenengoa" dela "noski, zertarako erabili" ahal den. Horiekin batera zalantza "zientifikoak" ere ba omen daude, tartean txertoak birusaren zabalkundea eteten ote duen.
Emmanuel Macron Frantziako presidenteak, bere aldetik, "batasuna eta koordinazioa" eskatu dio Europar Batasunari txertoaren egiaztagiria martxan jartzeko, dokumentu horrek ezin dielako txertatutako pertsonei "eskubide jakin batzuk eman".
Albiste gehiago mundua
Netanyahuk Gaza osorik bereganatu eta milioi bat palestinar inguru lekualdatu nahi ditu bost hilabetean
Israelgo lehen ministroak Segurtasun kabinetea bilduko du gaur arratsaldean, Gaza erabat okupatzeko duen asmoaz jarduteko, eta Jerusalem egunkariak dagoeneko xehetu du bileran aztertuko duten proposamenetako bat.
Trumpen muga-zerga berriak indarrean sartuta, hauspotu egin da gerra komertziala
Gaurtik, oro har, % 15eko muga-zergak ezarriko dira Estatu Batuen merkataritza-bazkide gehienen produktuen gainean, tartean, Europar Batasunekoen gainean.
Putin eta Trump datozen egunetan bilduko dira, Kremlinen arabera
AEBko presidenteak, bestalde, esan du azken bileran ez zela "aurrerapauso erabakigarririk" eman, eta adierazi du Errusiak ez duela amore eman.
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku zigortzeko asmoa du, Putinen eta Witkoffen arteko bilera "emankorra" izan dela onartu arren
Zigorra ostiralean bertan ezartzekotan dago Trump. Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko inoren asmoa kentzeko. Ildo horretan, Trumpek agindu bat sinatu du Indiako produktuen gainean % 25eko muga-zergak ezartzeko, Errusiako petrolioa erosten du eta. AEBko agintariak Putinekin datorren astean biltzeko asmoa du.
Sute ikaragarri batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.