Errepresioak 18 hildako utzi ditu Myanmarren, estatu-kolpearen aurkako protestetan
Giza Eskubideentzako Nazio Batuen Goi Mandatariak salatu duenez, gutxienez 18 pertsona hil dira, 30 zauritu izan dira eta 85 pertsona atxilotu ditu Poliziak Myanmarren Estatu kolpearen kontra igandean egin diren protestetan, otsail hasieran manifestazioak hasi zirenetik egunik odoltsuenean.
NBEren agentziak esan du Myanmarko segurtasun indarrek manifestarien aurka munizioa erabili dutenaren "informazio sinesgarria" duela. Rangun, Dawei, Mandalay, Myeik, Bago eta Pokokkun izan dira protestak.
"Indarkeria gaitzesten dugu, eta Myanmarko Armadari eskatzen diogu manifestari baketsuen kontrako indarkeria erabiltzeari berehala utz diezaion", esan du Ravina Shamdasani bozeramaileak.
Otsailaren 1ean Estatu kolpea eman zutenetik, "Poliziak eta segurtasun indarrek gero eta oposizioko ahots eta manifestari gehiagori eraso die, eta funtzionario politiko, aktibista, gizarte zibileko kideak, kazetariak eta medikuak atxilotu ditu".
NBEren informazioaren arabera, Poliziak gutxienez 85 mediku eta ikasle atxilotu ditu igandean, baita manifestazioetan zeuden zazpi kazetari ere.
Guztira, Nazio Batuen ustez 1000 pertsonatik gora atxilotu dituzte nahierara azken hilabetean, eta horietako batzuek desagertuta jarraitzen dute, "iritzi, adierazpen eta biltzeko askatasuna erabiltzeagatik".
Zauritu bat Estatu kolpearen kontrako protestan. Argazkia: EFE
Biktima horiek Preso Politikoei Laguntza emateko Elkarteak aipatutako zortziei gehituko litzaizkieke. Zenbaketak egiaztatzen zailak dira, protestetan hedabiderik ez dagoelako, eta kolpea eman eta Aung San Suu Kyi liderra atxilotu zutenetik itzalaldi informatiboa dagoelako.
Militarrek aktibistari eta bere alderdiari leporatzen diete iazko azaroko hauteskundeetan iruzur egitea. Demokraziarako Liga Nazionalak ukatu egin du.
Errepresioa izan arren, dozenaka milaka manifestari kalera irten dira berriro militarren kontra protesta egitera. Monje budistek eta ikasleek izan dute protagonismoa. MRTV telebista publikoaren arabera, 479 manifestari atxilotu dituzte herrialde osoan larunbatean. Preso Politikoei Laguntza emateko Elkartearen arabera, 854 izan dira.
Erantzuna atzerrian
Josep Borrell Kanpo Politika eta Segurtasun Komuneko EBren Goi Mandatariak Armadaren "manifestari baketsuen" kontrako "errepresio basatia" gaitzetsi du.
"Armarik ez duten hiritarren kontra tiro eginda, segurtasun indarrek erakutsi dute Nazioarteko Zuzenbideari ez diotela errespeturik, eta kontu eman behar dute", esan du Borrellek.
"Indarkeriak ez dio demokratikoki hautatua izan den gobernu bat legez kontra uzkailtzeari legitimitatea ematen. Agintari militarrek zibilen kontra indarra erabiltzeari utzi behar diote berehala, eta herritarrei adierazteko eta biltzeko askatasuna erabiltzen utzi behar diete", esan du.
Gogorarazi duenez, EBk "bere demokrazia defendatzen ari den Myanmarko herri ausarta babesten du", eta ohartarazi du Bruselak "neurriak" hartuko dituela.
Zure interesekoa izan daiteke
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari bereziki aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.