Europar Batasunean bidaiatzeko osasun-pasaportearen gakoak
Europako Batzordeak osasun-pasaportea aurkeztu du asteazken honetan. Ziurtagiri Digital Berdea jarri diote izena eta pandemiak irauten duen bitartean Europar Batasunean modu seguruan bidaiatzeko aukera bermatzea du helburutzat.
Dokumentua udarako indarrean egotea nahi du Europako Batzordeak, baina proposamenak estatu kideen eta Europako Parlamentuaren oniritzia jaso behar du oraindik.
Hauek dira Ziurtagiri Digital Berdearen ezaugarri nagusiak:
1- Ziurtagiria doakoa izango da eta hainbat informazio eskainiko du, hala nola pertsona horrek txertoa jaso duen, antigorputzak dituen edo PCR proban emaitza negatiboa eman duen.
2- Txertoa jarrita izatea ez da nahitaezko baldintza izango bidaiatu ahal izateko; izan ere, txertoa hartzeko aukerarik izan ez dutenek edo uko egin diotenek ere bidaiatzeko aukera izango dute, beren osasun-egoera PCR edo antigeno test baten bidez frogatuta. Hala, bidaiari guztiek eskubide berberak izango dituzte.
3- Europako Sendagaien Agentziak baimendutako txertoak soilik izango dituzte kontutan, baina EBko herrialdeek beste sendagai batzuk onartu ala ez erabaki ahal izango dute, Sputnik V errusiarra edo Sinopharm txinatarra kasu.
4- Ziurtagiriak bi hizkuntzatan jasoko du informazioa, ematen duen estatu kideko hizkuntza ofizialean eta ingelesez, EBko herrialde guztietan aintzatespena bermatu ahal izateko, eta QR kode baten bidez edo paperean erakutsiko da, telefono adimendunik ez dutenentzat.
5- Ziurtagiri horrek balioa galduko du Munduko Osasun Erakundeak pandemiaren amaiera iragartzen duenean.
Zure interesekoa izan daiteke
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Abukeshek eta Avila deportatu dituztela baieztatu du Flotillak, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.