Floyden heriotzaren bideoa ikusita abiatu dute Chauvin poliziaren kontrako epaiketa
George Floyd afro-amerikarraren hilketa argitzeko epaiketa gaur goizean abiatu dute Minneapolisen. Derek Chauvin polizia ohia da akusatua.
Floyd 2020ko maiatzaren 25ean hil zuten indarkeriaz egindako atxiloketa batean. Oinezko batek dena grabatu zuen eta irudiak laster zabaldu ziren sare sozialen bidez. Herrialde guztian protesta handiak izan ziren poliziaren gehiegikeriak eta arrazakeria salatzeko.
Lehendabiziko saioan, bideo hori ikusi dute, eta Jerry W. Blackwell fiskalak ondokoa adierazi du, herri-epaimahaiko 12 kideei zuzenduta: "Nire helburua Derek Chauvin errugabea ez beste guztia dela erakustea da, Floyden hilketagatik zigortu dezaten".
Bideoan ikus daitekeenez, Floyd lurrera bota zuten eta eskuburdinak jarri zizkioten. Minez garrasika aritu zen, amari deituz eta arnasarik hartu ezin zuela behin eta berriz errepikatuz: "Ezin dut arnasarik hartu! Ezin dut gehiago!"
Bitartean, Chauvinek bere belauna Floyden lepoaren aurka estutzen du. Handik igarotzen diren herritarrek gelditzeko eta biktima aske uzteko eskatzen diote, baina berak berdin jarraitu zuen. Ez zuen belauna altxatu anbulantzia iritsi arte, eta ordurako Floyd konortea galduta zegoen.
Salan bildutako pertsonek arretaz eta isiltasunean ikusi dute bideoa.
Chauvin han izan da, bere abokatua ondoan zuela. Burua makurtuta egon da, irudiak ikusteko noizbehinka begirada altxatu badu ere.
Bideoa amaitu denean, Blackwell fiskalak azpimarratu du epaimahaiak irudi horiek oso kontutan izan behar dituela, defentsako abokatuak beste edozein argudio erabilita ere. "Ikusten ari zaretena gertatu zen. Hilketa bat izan zen. Hilketa bat", ziurtatu du.
Balizko zigorrak
Polizia ohiari hiru delitu leporatzen dizkiote: bigarren mailako hilketa (40 urte arteko kartzela-zigorra ezar liezaiokete); hirugarren mailako hilketa (25 urte arteko espetxealdia); eta bigarren mailako homizidioa (10 urte arteko kartzelaldia).
Alabaina, aurrekari penalik ez duenez, gehienez 12,5 urte arteko kartzela-zigorra ezar liezaiokete lehendabiziko bi kasuetan; eta 4 urteko espetxealdia, homizidioa egotziz gero.
Bestalde, auzitegiaren kanpoaldean hainbat manifestari elkartu dira Floydentzat justizia aldarrikatuz.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.