500 herritar baino gehiago erail ditu Myanmarko Ejerzitoak Estatu Kolpetik hona
Myanmarko junta militarrak Estatu Kolpea eman zuenetik bi hilabete betetzear direnean, hazten jarraitzen du manifestari zibilen aurkako indarkeriak, eta gaur gaurkoz, 500dik gora emakume, gizon eta haur erail dituzte indar polizialek, pasa den otsailaren 1ean boterea indarrez hartu zutenetik.
Horrez gain, armadaren errepresioak badu beste aurpegi bat, kolpe militarraren aurkako manifestarien atxiloketa masiboena, hain zuzen. Izan ere, nahiz eta manifestazio gehientsuenak modu baketsuan egiten ari badira ere, 2.574 dira dagoeneko atxilotuta dauden herritarrak, Myanmarko Preso Politikoen Laguntzarako Elkarteak (AAPP) adierazi duenez.
Era berean, indar polizialen bonbardaketa eta erasoek bultzatuta, milaka lagun ihes egin beharrean aurkitu dira. The Irrawaddy egunkari birmaniarrak argitaratu duenez, karen etniako 10.000 zibilek herrialdearen hego-ekialdeko euren lurretatik ihes egin behar izan dute, asteburuan Papun eskualdean izandako bonbardaketen ondorioz. Horietatik 3.000 Tailandiarantz abiatu dira -honek adierazi du prest dagoela jada iheslariak hartzeko-, eta beste 7.000 inguruk oihanera egin dute ihes.
Joan den otsailaren 1ean, ia hamar urteko demokraziaren ostean, 1962tik 2011ra boterean egona zen Myanmarko Armadak Estatu Kolpea eman zuen eta gobernuko buruzagi nagusiak atxilotu zituen, tartean Demokraziarako Liga Nazionaleko buru Aung San Suu Kyu bake nobela; 2015ean bezala, herritarren % 83aren babesa lortu zuen iragan azaroko hauteskundeetan.
Nazioarteko erantzuna
Herritarrek hautatutako gobernuaren kontrako Estatu Kolpeak eta Myanmarko herritarrekiko indarkeriak nazioarteko herrialde askoren erantzuna ekarri du, tartean AEB, Erresuma Batua eta Kanada; militarrei eta Armadari lotutako enpresei isunak jarri dizkiete estatu horiek.
AEBk astelehenean iragarri zuenez, "2013ko Inbertsiorako eta Merkataritzarako Esparru Akordioaren (TIFA) bitartez Myanmarrekin ezarritako lotura guztiak bertan behera geratuko dira", harik eta "Gobernu demokratikoa" itzultzen den arte, ohar batean azaldu duenez.
Japoniak, Indonesiak eta Tailandiak ere Myanmarko Armadari galdegin dio utz diezaiola lehenbailehen herritarren aurka indarkeria erabiltzeari.
NBEko Segurtasun Kontseilua bihar elkartuko da herrialdearen egoera aztertzeko; Kontseiluak behin baino gehiagotan eskatu dio Myanmarko Armadari demokrazia berrezarri eta indarkeria behin betiko amaitzeko.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.