Alemaniak alde biko harremanak iragarri ditu Errusiarekin Sputnik V txertoaren harira
Jens Spahn Alemaniako Osasun ministroak iragarri duenez, bere gobernuak alde biko elkarrizketak izango ditu Errusiarekin, Sputnik V txertoaren zenbat dosi eta noiz irits daitezkeen aztertzeko, Sendagaien Europako Agentziak covid-19aren txertoari behin betiko bermea emanez gero.
Spahnek adierazi duenez, Berlinek Moskurekin haratago joateko asmoa agertu zuen asteazkenean EBko Osasun ministroen ezohiko bileran, AstraZenecak garatutako txertoak izan ditzakeen bigarren mailako ondorioei buruzko eztabaida betean.
Alemaniak ez du EBtik kanpo jardutea planteatzen Sputnik V txertoaren kasuan (Hungaria eta Eslovakia bezalako herrialdeek egin duten bezala), baina egoera aztertzen hastea beharrezkoa dela uste du, une jakin batean irits litezkeen dosiak ikusteko.
Spahnek, hala ere, aitortu du Sputnik Vtxertoak EB barruko txertaketa-kanpainari bultzada esanguratsua eman ahal izateko, botika hilabete gutxi barru iritsi beharko litzatekeela, izan ere, denbora gehiago izanda, txerto gehiago eta ekoizpen-erritmo handiagoa egongo direla uste du.
Ministroak Sendagaien Europako Agentziari beharrezko datu guztiak emateko eskatu die Errusiako agintariei, agentzia horrek txertoa segurua eta eraginkorra den baloratu ahal izan dezan, eta Europako Batasunaren blokean sartzeko (eta, beraz, erosteko) atea ere ireki dezan.
Zure interesekoa izan daiteke
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.