Chauvin polizia ohia George Floyden hilketaren errudun jo du epaimahaiak
Derek Chauvin, 2020ko maiatzean Minneapolisen (Minnesota, AEB) George Floyd herritar afroamerikarra hiltzea egotzita epaitu duten polizia ohia, errudun jo dute leporatzen zizkioten hiru karguetan. Zortzi aste barru jakinaraziko dute epaia.
Epaimahaiko kideek aho batez ebatzi dute errudun dela bigarren graduko arduragabekeriazko hilketan (40 urte arteko kartzela-zigorra), hirugarren graduko hilketan (25 urte gehienez), eta arduragabekeriazko homizidioan (10 urte gehienez).
Zigor aurrekaririk ez duenez, gehienez 12 urte eta erdiko zigorra jasoko du lehenengo bi karguetako bakoitzagatik, eta lau urte artekoa hirugarrenagatik.
Epaimahaiko kideek 10 ordu inguru behar izan dituzte azken erabakia hartzeko, eta Minneapolisen 16:00k zirenean (23:00k Euskal Herrian) Peter Cahillek irakurri du ebazpena.
Chauvin errudun dela iragarri denean, Minneapoliseko hirian poz oihu eta zaratak entzuten hasi dira: klaxonak, "justizia" oihuak eta txaloak.
Epaitegiaren atarian elkartu diren 600 pertsonek sakelako telefonoan jarraitu dute adierazpen osoa, eta elkar besarkatuz eta saltoka jaso dute albistea.
"Hau ez da ospakizun bat, lehenengo urratsa da. Iraultza bat da hau!", adierazi du manifestarietako batek megafonoarekin, ukabila altxatuta.
Floyd 2020ko maiatzaren 25ean hil zen. Denda batean ustez billete faltsu batekin ordaintzeagatik indarrez atxilotu zuten lau agentek. Lurrera bota zuten eta une horretan Chauvinek hanka lepoan jarri zion, itota hil zen arte.
George Floyden sendia: "Gaur arnasa har dezakegu berriro"
"Gaur arnasa har dezakegu berriro", adierazi du Philonise Floyd prentsaurreko batean, anaiak hil aurretik esan zituen azken hitzei erreferentzia eginez ("Ezin dut arnasik hartu").
"Gaur lasai sentitzen naiz, azkenean lo pixka bat egiteko aukera izango dudalako", gehitu du.
Gainera, afroamerikarren aurkako beste indarkeria kasu batzuk ekarri ditu gogora. Bereziki gogoan hartu du Daunte Wright, duela astebete Poliziak Minneapolisen tiroz hil zuen gizona.
"Protesta egin behar dugula ulertu behar dugu. Beti egin beharko dugu", azpimarratu du.
Terrence Floyd, George Floyd zenaren anaia. Argazkia: EFE
Joe Biden: "Pauso erraldoia da justizia lortzeko bidean"
Joe Biden AEBko presidenteak nazioari zuzendutako hitzaldia eskaini du Etxe Zuritik. Haren esanetan, "pauso erraldoia da justizia lortzeko bidean", baina argi utzi du oraindik ere asko dagoela egiteko Ameriketako Estatu Batuetako "arrazismo sistemikoa" gainditzeko. "Benetako aldaketak eta erreformak lortzeko, horrelako tragediak berriro gertatzeko probabilitatea murriztu dezakegu eta murriztu behar dugu", gaineratu du.
"Aldaketarako une esanguratsua izan daiteke", nabarmendu du.
Gauzak horrela, Bidenek Kongresuari eskatu dio AEBko Polizia Departamentuen jardua erreformatzeko lege proiektu bat onartzeko, Floyden heriotza eragin zuten taktikak debekatuko lituzkeena eta herritarrak modu bidegabean zauritzen edo hiltzen dituzten agenteen aurkako salaketak erraztuko lituzkeena.
Zure interesekoa izan daiteke
AEBk Venezuelarekin lotutako eta zigortutako beste petrolio-ontzi bat atzeman du, Karibetik gertu
Ameriketako Estatu Batuetako Hegoaldeko Komandoak jakitera eman duenez, Kostazainek beste petrolio-ontzi bat atzeman dute Karibean. Kristi Noem AEBko Segurtasun Nazionaleko idazkariaren arabera, ontzia "Venezuelan porturatu zen azkeneko aldiz edo harantza zihoan".
Errusiako petrolio-ontzi bat atzeman du AEBk, "arau estatubatuarrak urratzeagatik"
Berehala etorri da Errusiako Gobernuaren erantzuna, eta petrolio-ontzia legez kanpo atzeman dutela salatu du, Nazio Batuen 1982ko Konbentzioa —itsaso zabaleko nabigazioari buruzkoa— urratuta.
NATOk gogorarazi duenez, "aliatu baten segurtasuna eta guztion segurtasuna banaezinak dira"
Aliantzak defentsa kolektiboa nabarmendu du, AEBk Groenlandiari buruz egindako adierazpenak eta Artikoan gero eta interes estrategiko handiagoa dagoela ikusita.
Agustin Otxotorena, Venezuelan bizi den euskalduna: "Nolabaiteko normaltasuna dago; oposizioaren gehiengoa ere haserre dago"
Bost egun igaro dira Maduro harrapatzeko AEBren erasotik, eta Agustin Otxotorenak, duela 15 urtetik Caracasen bizi den euskal enpresariak, herrialdean nola bizitzen ari diren eta venezuelarren egunerokoa nolakoa den kontatu digu.
Trumpek Groenlandia erosi nahi du, baina ez du baztertzen lurraldea bereganatzeko indarra erabiltzea
Venezuela ahaztu gabe, Trump Groenlandiara begira jarri da berriro. Bien bitartean, Estatu Batuek gidatuko dute trantsizioa Venezuelan eta Trumpek iragarri du Delcy Rodriguezen gobernuak Estatu Batuen esku utziko dituela 30-50 milioi petrolio upel.
Bi hildako eta 50 zauritu inguru Landetan, A-63 errepidean, hainbat ibilgailuren arteko istripu batean
Flixbus konpainiako bi autobusek istripua izan dute. Ondorioz, 50 bat ibilgailuk talka egin dute, bi pertsona hil eta 50 pertsona inguru zauritu dira.
Europako herrialdeek Groenlandiako subiranotasunaren eta egungo mugen alde egin dute, NATOko kide gisa
Besteak beste, Espainiak, Frantziak eta Danimarkak babestu dute adierazpena. Esan dutenez, AEB "funtsezko bazkidea" da Artikoa "seguru" mantentzeko, baina adierazpena Donald Trumpek lurraldea bereganatzeko egindako mehatxuen ostean iritsi da.
Venezuelan atxilotutako preso politiko espainiarrak askatzeko eskatu dio Espainiak Delcy Rodriguezi
Nicolas Maduro atxilotu eta Venezuelako presidenteordeak agintea bere gain hartu ostean, Espainiako Gobernuak ahozko ohar baten bidez helarazi dio bere eskaera.
Trumpek bultzatutako Kapitolioaren aurkako erasoaren bosgarren urteurrena
2021eko urtarrilaren 6an, Donald Trumpen ehunka jarraitzaile Kapitolioan sartu ziren, Joe Biden demokrataren hauteskunde garaipena berresten zen bitartean. Bost urte geroago, erasoagatik auzipetutako 1600 pertsonak indultatu egin dituzte, edo zigorrak kommutatu zaizkie.
Boluntarioen Koalizioak Ukrainarentzako segurtasun konpromiso zehatzak lortu nahi ditu Parisen
AEBk lehen aldiz parte hartuko du Europako buruzagiekin eta Zelenskirekin batera Ukrainako gerrari irtenbide bat bilatzeko aurrez aurreko goi-bilera oso batean.