Beriain eta Fraile, eskarmentu handiko erreportariak herrialde gatazkatsuetan
David Beriain kazetari nafarra eta Roberto Fraile kameralari bizkaitarra Burkina Fason hil dituzte, ezkutuko ehizaren inguruko erreportaje bat egiten ari zirenean. Biak ala biak eskarmentu handiko erreportariak ziren gatazka armatuetan.
David Beriain Artaxonan jaio zen 1977an eta Informazio Zientzietako ikasketak burutu zituen Nafarroako Unibertsitatean, 1999an. Rosaura Romero ekoizle venezuelarrarekin zegoen ezkonduta.
Bere ibilbide profesionalean, hainbat herrialde eta gatazka ezagutu zituen: Afganistanen izan zen eta talibanak elkarrizketatu zituen; Sudango, Kongoko eta Libiako gerren berri eman zuen. FARC gerrillari edota narkotrafikoari buruzko dokumentalak grabatu zituen. Eta 93 Metro ekoiztetxearen sortzaileetako bat izan zen.
Hainbat dokumental zuzendu zituen, tartean 'Clandestino', 'El Ejército perdido de la CIA', 'La vida en llamas', 'Amazonas clandestino' edo 'Yasuní, genocidio en la selva'. Halaber, ‘Estrecho’ eta ‘El palmar de Troya’ telesailak ekoitzi zituen.
'Diez días con las FARC' dokumentalagatik Jose Manuel Porquet kazetaritza digitalaren saria eman zioten 2009an, eta Normandian gerrako korrespontsalak aitortzeko egiten den ekitaldian finaleraino iritsi zen. 'El negocio del secuestro en Venezuela' dokumentalagatik Realscreen Awards sarietan izendatuta egon zen, 2019an.
Duela hilabete batzuk, Nafarroako Telebistan ondoko adierazpenak egin zituen Beriainek bere lanaren harira: “Ni ez naiz toki horietara joaten inor baino ausartagoa naizela erakusteko. Alderantziz, ni ez naiz pertsona ausarta, oso beldurtia naiz, baina beldurra beharrezkoa dela uste dut. Gorputzak duen mekanismo bat da, zure buruari hemen egon behar ez zenukeela esateko. Eta gu toki horietara historia bat kontatzeko joaten gara, hori da puntua. Historia kontatzeko ez bada, hobeto da leku horietara ez joatea”.
Bestalde, Roberto Fraile kameralari bizkaitarrak Gaztela eta Leongo Telebistan egiten zuen lan, Salamancan, baina duela aste batzuk Afrikara joan zen, Beriainekin batera, ezkutuko ehizaren inguruko dokumentala grabatzeko.
Fraile Barakaldon jaio zen duela 47 urte, baina 25 urte baino gehiago zeramatzan Salamancan bizitzen. Bi seme-alaba zituen.
Azken urteetan hainbat herrialdeetara bidaiatu zuen, hala nola Brasilera, Kolonbiara edota Afrikara. 2012an, Siriako gerran lanean ari zela, zauritu egin zuten eta Turkiara ebakuatu behar izan zuten.
Zure interesekoa izan daiteke
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.