Indarkeria jihadista eta barne gatazkak, Burkina Fasoko krisiaren jatorrian
Burkina Fasoko ekialdean, bi euskal kazetari bahitu eta hil dituzten lekuan, segurtasunak okerrera egin du nabarmen talde jihadisten ekintza terroristengatik batez ere, eta horrek areagotu egin du komunitate arteko tentsioa ere.
Kazetariak desagertutzat eman zituzten Kompienga probintzian (hego-ekialdean), ezkutuko ehizaren aurkako patruila bati egindako eraso baten ostean.
Segurtasun ezak herrialdearen iparraldeari ere eragiten dio, eta Boli Kostako mugara iritsi da azken hilabeteotan. Gatazka egoerak okerrera egin du, gainera, Roch Marc Christian Kabore 2015ean boterera heldu zenean, Blaise Compaoreren aurkako Estatu kolpe baten ostean.
Ordura arte Saheleko beste herrialde batzuetan, Malin batez ere, jarduten zuten talde jihadisten ekintzek ez zuten eraginik herrialdean, eta Compaore eta talde terrorista horien arteko ustezko itun bati egotzi diote hori.
Hala, Burkina Fasok ehunka eraso jasan ditu ordutik, 2016ko urtarrilean Uagadugu hiriburuko kafetegi eta hotel baten aurka egindakoa barne, Kaborek kargua hartu eta egun gutxira.
Segurtasun gabeziaren ondorioz, agintariek 'boluntarioak' errekrutatzeko legea onartu zuten, Armadaren eta Poliziaren ahaleginak indartzeko, eta Koglweogo izeneko autodefentsa talde batzuekin bat egin dute, batez ere landa eremuetan egonkortasuna bermatzeko.
Hala ere, Kaboreren ekimen horrek ondorio negatiboak izan ditu gatazkan, armadak eta autodefentsako talde horiek ustez egindako gehiegikeriek komunitateen arteko tentsioak areagotu dituztelako eta jihadistei kide berriak biltzea ahalbidetu dietelako.
Tentsio hauen erdigunean fulani komunitatea dago (peul izenez ere ezagutzen dena), beste komunitate batzuek eta agintariek talde terrorista horietako kide nagusien artean egoteagatik euren aurka egindako salaketen ondorioz, eraso eta mendekuen biktima izan dira.
Horren adibide da 2019ko eraso jihadista bati erantzuteko Gobernuaren aldeko milizia batek fulani komunitateko 50 kide inguru hil izana.
Era berean, Armadak hildako zibilen inguruko ikerketak abiatu ditu Gobernuak, tartean Human Rights Watch (HRW) erakundeak salatutako 30 atxiloketa.
Afrikako herrialdea, gainera, talde jihadisten arteko barne borroken eremu ere bada.
Bestalde, Christophe Dabire Burkina Fasoko lehen ministroak talde horiekin hitz egiteko prozesua ireki zuen otsailean, krisiari aurre egiteko irtenbide gisa, baina oraingoz ez dute harreman ofizialik izan. "Ez dugu esaten Burkina Faso terroristekin negoziatzearen aurka dagoenik", esan zuen.
Burkina Faso, Niger eta Malirekin batera, munduan errefuxiatu eta baztertuen gorakada handiena duten herrialdeetako bat da, eta hiru milioi errefuxiatu inguru daude, Nazio Batuen Erakundearen datuen arabera.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".