David Beriain eta Roberto Fraile euskal kazetariak hil dituzte Burkina Fason
Burkina Fason atzo desagertutzat jo zituzten Barakaldoko eta Iruñeko bi kazetari hil egin ditu talde armatu batek, Arancha Gonzalez Laya Atzerri, EB eta Lankidetza ministroak astearte honetan baieztatu duenez.
Hildakoak, David Beriain iruindarra eta Roberto Fraile barakaldarra, bertako agintariak herrialdeko parke naturalak isileko ehizatik babesteko egiten ari diren ahaleginen inguruko dokumentala egiten ari ziren.
Ministro Kontseiluaren amaieran emandako prentsaurrekoan ministroak azaldu duenez, Burkina Fasoko agintariek gertakarien lekuan aurkitutako gorpuei buruz emandako azken informazioen arabera, hildakoak bi euskal herritarrak dira. Familiak jakinaren gainean jarri dituztela esan du Gonzalez Layak.
40 bat lagunek osatutako talde batean zihoazen, eta astelehenean, 15:30 aldera, taldearekin kontaktua galdu zuten Burkina Faso eta Benin arteko mugan dagoen parke natural batean. "Eremu arriskutsua da, terroristen, isileko ehiztarien eta bidelapurren operazio eremua delako", azpimarratu du Gonzalez Layak, eta "albiste tristea" deitoratu du.
Bi euskal herritarrak irlandar batekin eta herriko segurtasun-indarretako kide batekin batera desagertu ziren. Erasoa herrialdearen ekialdean izan zen, Kompienga probintzian.
Burkina Fasoko Gobernuak jakinarazi duenez, erasoa Pamako natura-erreserban gertatu zen eta kazetariak eskolta polizialarekin babestuta zihoazen.
"Lehendabiziko datuen arabera, bidean terrorista talde batekin egin zuten topo eta tiroka hasi zitzaizkien", zehaztu du Ousseni Tamboura Gobernuaren bozeramaileak.
Burkina Fasoko Armadako iturriek EFE agentziari esandakoren arabera, erasotzaileak ekipamendu militarra hartuta ihesean joan ziren. Hainbat operazio jarri dituzte martxan, denak atxilotzeko asmoz.
(Ezkerretik eskuinera, Roberto Fraile eta David Beriain.)
Bi erreportarien hilketak samina eragin du kazetaritzaren arloan, eta erakundeen eta agintari politikoen artean ere erreakzio ugari izan dira.
Hala, Kazetariak Babesteko Batzordeak hilketak gaitzetsi ditu eta gertatutako guztia argitzea exijitu du. "Burkina Fasoko agintariek David Beriain eta Roberte Fraileren hilketak zorrotz ikertu behar ditu, arduradunak atxilotu eta justiziaren esku uzteko", adierazi du Angela Quintal Afrikako programaren koordinatzaileak.
Nafarroako Gobernuak, Iñigo Urkullu lehendakariak eta Pedro Sanchez Espainiako Gobernuko presidenteak gertakaria salatu dute eta Beriainen eta Fraileren senideei doluminak helarazi dizkiete, sare sozialen bidez mezu bana zabalduta.
Indarkeria jihadista Sahelen
Burkina Fasoko ekialdeak eta iparraldeak segurtasun falta areagotu dute azken urteotan, batez ere talde jihadisten erasoen gorakadaren ondorioz.
Burkina24 albiste-atariak jaso duenez, azken astean terrorismoaren aurkako operazioetan lau militar hil eta bi ustezko terrorista "neutralizatu" dituzte.
Egoera horren aurrean, Christophe Dabiré Burkina Fasoko lehen ministroak otsailaren hasieran ateak ireki zizkion terroristekin balizko elkarrizketa prozesu bat abiatzeko aukerari. "Ez dugu esaten Burkina Faso terroristekin negoziatzearen aurka dagoenik", adierazi du Parlamentuan.
BIDEOA | Beriain: "Kazetaritza norbaitek jakin nahi ez duena kontatzea da, gainerakoa propaganda da"
BIDEOA | Mikel Ayestaran eta Oskar Epelde, Beriain eta Fraileri buruz
BIDEOA | Aurten sei kazetari eta lau kolaboratzaile erail dituzte munduan
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".