"Oso garrantzitsua" da Israelen bake prozesuari berriro ekitea, EBren esanetan
Europar Batasunak "pozik" hartu du ostiral honetan Israelen eta Hamas mugimendu islamistaren arteko su-etena, hamaika eguneko erasoen ostean, eta azpimarratu duenez, "bi Estaturen konponbiderako horizonte politikoa berrezartzea oso garrantzitsua da orain ere".
"Irtenbide politiko batek bakarrik ekarriko du bake iraunkorra eta behin betiko amaituko du Palestinaren eta Israelen arteko gatazka. Bi Estaturen konponbiderako horizonte politikoa berrezartzea oso garrantzitsua da orain ere", esan du Josep Borrell Europar Batasuneko Atzerri Politikarako goi ordezkariak ohar batean.
"Europar Batasuna prest dago Israelgo eta Palestinako agintariei laguntza osoa emateko", esan du Borrellek.
"Helburu horrekin", EB bere konpromisoa berritzen ari da nazioarteko kide garrantzitsuenekin, Ameriketako Estatu Batuak barne, baita eskualdeko beste kide batzuekin eta Ekialde Ertaineko laukote biziberrituarekin ere.
Europako diplomaziaren buru eta Europako Batzordeko presidenteordeak gogorarazi duenez, "EBk etengabe errepikatu du Gazako Zerrendako egoera luzaroan jasanezina izan dela".
Europar Batasunak "azken 11 egun hauetan biziak galdu dituelako" atsekabea adierazi ostean (232 palestinar hil dira Gazan eta beste 12 pertsona Israelen), Europar Batasunak Egipto, Qatar, Nazio Batuak, Estatu Batuak eta su-etenean bitartekari lanak egin dituzten beste batzuei eman dizkie zorionak.
EB atsekabetuta agertu da "azken 11 egunetan biziak galdu direlako" (erasoek 232 palestinar hil dituzte Gazan eta beste 12 pertsona Israelen). Halaber, Egiptori, Qatarri, Nazio Batuei, Ameriketako Estatu Batuei eta su-etenean bitartekari lanak egin dituzten beste batzuei zorionak eman dizkie Borrellek.
Twitterren dituzten kontuen bidez, Europako hiru erakunde nagusietako (Batzordea, Kontseilua eta Parlamentua) buruzagiek ere ospatu dute gaur goizaldean su-etena indarrean sartzea, eta orain eskualdean bakea lortzeko bidean aurrera egitea eskatu dute.
Egiptok negoziatutako su-eten proposamena "elkarrekiko eta aldi bereko" akordio gisa onartu zuten bi aldeek ostegun honetan, nahiz eta oraindik ez diren horren nondik norakoak ezagutzen.
Zure interesekoa izan daiteke
Istiluak izan dira polizien eta manifestarien artean Milanen, Olinpiar Jokoen aurkako protesta jendetsuan
Poliziak ur-kanoiak eta negar-gasa erabili ditu manifestarien aurka, protestan ari zirenetako batzuek agenteei su artifizialak, bengalak eta bestelako objektuak jaurti ondoren. Milaka pertsona bildu dira protestetan, Neguko Olinpiar Jokoak hasi eta biharamunean.
Hautagai sozialista faborito dela egingo dute hauteskundeen bigarren itzulia Portugalen igande honetan
Inkesten arabera, Antonio Jose Seguro sozialistak botoen % 67 jasoko ditu, eta Andre Ventura ultraeskuindarrak, berriz, % 32. Ekaitzak Portugalen eragindako hondamendi betean egingo dute hauteskundeen bigarren itzulia.
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.