Gatazkari buruzko "elkarrizketa serioa" abiatzeko eskatu die NBEk bi aldeei
Antonio Guterres Nazio Batuen Erakundeko (NBE) idazkari nagusiak Israelen eta Hamasen arteko su-etena txalotu du, baina "elkarrizketa serioa" abiatzeko eskatu die bi aldeei gatazkaren oinarriari heltzeko.
Ohar batean, Egipto eta Qatar zoriondu ditu Guterresek, "Gazan eta Israelen lasaitasuna berreskuratzen laguntzeko" egindako "ahaleginagatik".
"Alde guztiei su-etena errespetatzeko deia egiten diet", esan du NBEko idazkari nagusiak. Halaber, buruzagi israeldarrek eta palestinarrek "gatazkaren arrazoi sakonei aurre egiteko elkarrizketa serio bat" hasi behar dutela azpimarratu du.
"Gaza etorkizuneko Palestinako estatuaren zati integral bat da, eta zatiketari amaiera emango dion benetako adiskidetzea lortzeko" lan egiteko beharra adierazi du. Hurrengo pausoen artean, "bake prozesua suspertzea" aipatu du "bi estatuen arteko konponbidea lortzeko".
Bakea lortzeko lan egingo duela ziurtatu du Joe Biden AEBko presidenteak
Joe Biden Ameriketako Estatu Batuetako presidenteak ere txalotu du su-etena, eta bere administrazioak "diplomazia isil eta nekaezinarekin" jarraituko duela hitzeman du israeldarren eta palestinarren arteko bakea lortzeko helburuarekin.
Su-etenaren harira, agerraldia egin du Bidenek Etxe Zurian. Bere taldeak duen "konpromiso diplomatiko handia" eta eskualdean akordioa erdiesteko egindako lana nabarmendu ditu.
Palestinarrek eta israeldarrek "segurtasun eta babes baldintza berdinetan bizitzea eta askatasun, oparotasun eta demokrazia neurri berdinez gozatzea" merezi dutela esan du presidente estatubatuarrak. "Nire Administrazioak diplomazia isil eta gupidagabearekin jarraituko du helburu horrekin. Aurrera egiteko benetako aukera dugula uste dut, eta hori lortzeko lan egiteko konpromisoa dut", gehitu du.
Zure interesekoa izan daiteke
Iranek ohartarazi du ez dela petrolio "tanta bat bera ere" aterako Persiar golkotik, AEBk "gerra ekonomikoari" eusten badio
Scott Bessent AEBko Altxorraren idazkariak, bestalde, astelehen honetan hasiko den "gerra ekonomikoa" guduaren azken fasea dela ziurtatu du.
5,9 graduko lurrikara batek Tokio astindu du
Richter eskalan 5,9 graduko indarra izan duen lurrikara batek Japoniako ekialdea astindu du igande goizaldean, bereziki Tokio eskualdea. 30 pertsona zauritu dira eta tren-zerbitzu batzuetan etenaldiak egin dituzte. Japoniako Meteorologia Agentziak (JMA) baztertu egin du tsunami arriskua.
Auzitegi federal batek baliogabetu egin du Trumpek 75 herrialderi bisak emateko jarritako debekua
Neurria urtarrilean sartu zen indarrean, AEBetako Gobernuaren arabera, etorkin horiek "Estatuarentzat karga bat bihurtzeko arriskua" zegoelako.
Errusiaren eta Ukrainaren arteko erasoek jarraitzen dute, gatazka hasi zenetik lau urte eta erdi igaro direnean
Hogei pertsona baino gehiago hil dira azken orduetan bi herrialdeetan droneak eta jaurtigaiak erabiliz egindako erasoetan.
Zer dago Ukrainaren gerra-estrategia aldaketaren atzean? Eskala handiko erasoak, herritarrengan eragiteko
Hilabeteak dira Ukrainan gerra fronteak aurrerapen handirik gabe diharduela. Horren ordez, maizagoak dira aire bidezko erasoak Errrusiako azpiegitura garrantzitsuen kontra. Olga Tarnovska Kieven bizi den analistarekin eta Albert Sort Moskun bizi den kazetariarekin aztertu du gaia ETBk.
AEBk eta Kanadak ez dute merkataritza-akordiorik lortu, eta % 50eko muga-zergak mantenduko dira
Ameriketako Estatu Batuetako Gobernuak Kanadako ibilgailuen gaineko muga-zergak % 15era eta altzairu eta aluminioarenak % 25era murriztea onartu bazuen ere, larunbat honetan % 50eko kargak sartu dira indarrean.
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.