Bidenek atzera bota du Trumpek TikToki eta WeChati ezarritako debekua
Joe Biden AEBko presidenteak atzera bota du Donald Trumpek TikTok eta WeChat sare sozial txinatarrei ezarritako debekua, Etxe Zuriak gaur jakinarazi duenez.
Bidenek ordezkatu egin ditu aurreko AEBko presidenteak indarrean jarritako hiru agindu, sare sozial horiez gain beste komunikazio eta finantza aplikazio txinatar batzuei eragiten zienak. Bidenek onartutako aginduak orokorrak dira eta irizpide batzuetan oinarritzen dira, aplikazio edo enpresa zehatzei erreferentzia egin beharrean.
Etxe Zuriak azpimarratu du Bidenen Administrazioak "Internet segurua, konfiantzazkoa, anitza eta irekia" sustatuko duela, "'online' giza eskubideak babesten".
Onartutako arauaren arabera, Merkataritza Departamentua izango da datu pertsonalen salmentarekin "kalte" egin dezakeen edozein mehatxuren aurrean neurriak aholkatuko dituena.
TikTok ez da sekula debekatuta egon praktikan, Justiziak martxan jarraitzeko baimena eman baitzion Trumpen araua legezkoa zen ala ez argitu arte.
Bidenek onartutako agindua ez dago lotuta ByteDance, TikToken jabea, aplikazioa saltzera behartzearekin. ByteDancek Oracle aukeratu zuen "konfiantzazko teknologia hornitzaile" gisa 2020ko irailean, baina sekula ez zen salmenta akordioa burura eraman, Trumpek eskatu arren.
Zure interesekoa izan daiteke
Rafahko pasabidea oso modu mugatuan irekitzeko prestaketa lanetan dabil Israel
Gazako Zerrenda eta Egipto lotzen dituen pasabidea gaur zabalduko zutela iragarri arren, Israelgo Gobernuak zehaztu du "atariko prestaketen fase pilotu" bat egiten ari direla, eta palestinarrak ezin direla oraindik bertatik igaro. Gazako Osasun Ministerioak ere esan du ez duela OMEren baimenik jaso. 150 gazatar daude Zerrendatik ateratzeko zain.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.