TikTok-eko algoritmoak AEBko eskuin muturreko kontuen alde egiten du
TikTok sare sozialaren kontuak gomendatzeko algoritmoak Estatu Batuetan eskuin muturrarekin lotutako edukiak eta informazioa agertzea errazten du, urtarrilaren 6an Kapitolioari egindako eraso saiakerarekin lotutakoak barne.
Media Matters for America hedabideei buruzko ikerketak egiten dituen erakundeak egindako azterketa baten arabera, TikTok-eko algoritmoa Three Percenter, QAnon, Patriot Party eta Oath Keeper eskuin muturreko erakundeen edukia zabaltzen laguntzen ari dira.
Sare sozialak debekatu egiten du erakunde horien edukia, baina, ikerketak egiaztatu duenez, erabiltzaile batek sareko kontuen gomendioei jarraituz gero, erakunde horietako bat aurkituko du, eta horietako bati jarraitzea erabakitzen badu, eskuin muturreko gainerako kontuei jarraitzeko iradokizunak jasoko ditu.
Erakundeak ohiko sei patroi aurkitu ditu, eta, horien bidez, TikTok-ek edukia erakutsi eta kontu baten edo batzuen jarraipena egiteko iradokizunak egiten ditu.
Bertatik jakinarazi dutenez, horiek erakusteko prozesua 'Zuretzat' erlaitzean hasten da. Sare sozialak erabiltzailearentzat gomendatutako edukiak erakusten ditu, bere algoritmoa baliatuz, erabiltzaileak jarraitzen dituen kontuak eta aurretik ikusitako edukiak abiapuntu gisa hartuta. Erakunde baten edo gehiagoren edukia dago bertan, eta erabiltzaileak bati jarraitzea erabakiz gero, besteei jarraitzeko gomendioa egingo dio.
Ikerketak ondorioztatu duenez, "oso erraz jar daitezke muturreko ultraeskuindarren kontuak eta edukiak erabiltzaileen esku", eta horien gero eta eduki gehiago eskaini.
Zure interesekoa izan daiteke
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.
YouTube, Snapchat eta TikTok sare sozialek akordioa lortu dute "eragindako mendekotasunagatik" salatu zituen Kentuckyko eskolarekin
Akordioari esker, bertan behera gelditu da hezkuntza barruti batek sare sozialetako plataformen kontra abiatutako lehen epaiketa izango zena. Hala ere, oraingoz ez dituzte akordioaren inguruko xehetasunak eta baldintzak argitu.
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.