Milaka pertsonak blokeoaren amaiera eskatu eta Iraultza babestu dute Habanan
Milaka pertsonak elkarretaratzea egin dute Habanan Iraultza babesteko, Kubako Gobernuak deituta. Raul Castro buruzagi ohiak eta Miguel Diaz-Canel presidenteak hartu dute parte. Kubako Gobernuaren aurkako protestak izan eta astebete geroago deitu dute ekitaldia.
Gobernuaren aldeko ekitaldia goizaldean deitu dute. La Piragua izeneko zonaldean bildu dira, Vedado auzoan, AEBetako enbaxadaren egoitzatik oso gertu.
Uztailak 26 Mugimenduko eta Kubako banderak, Fidel Castroren eta haren anaia Raulen argazkiak erakutsi dituzte manifestariek. Buruzagiak txaloka adoretu eta Iraultzaren aldeko leloak errepikatu dituzte.
Kuba koronabirus pandemiaren unerik okerrenean murgilduta dago. Habanan 763 positibo berri baieztatu zituzten ostiralean, osasun krisia hasi zenetik kopururik handienetarikoa.
Gobernuaren aurkako protestak
Iragan igandean azken sei hamarkadetan Kuban izandako protestarik handienak gertatu ziren. Kuba osasun eta ekonomia krisi larrian murgilduta dago, pandemia kontroletik kanpo eta elikagai, sendagai eta funtsezko produktuen eskasiarekin. Gainera, argindarrik gabe tarte luzeak ematen dituzte herritarrek.
Habanako Prado pasealekuan manifestariek martxa baketsua egin zuten iragan asteburuan, Poliziak eta kontra-manifestariek aurre egin zieten arte. Zaurituak eta atxilotuak izan ziren.
Protestak bultzatzea eta finantzatzea egotzi dio Kubako Exekutiboak Ameriketako Estatu Batuei. Habanako Gobernuak ez du orain arte atxilotu kopuruaren berririk eman, baina giza eskubideen aldeko erakundeek eta ekintzaileek ehunka edo milaka direla esan dute.
Erbesteratuen elkarteek eta Miamiko hautetsiek Joe Biden AEBetako presidenteari uharteko Gobernua boteretik kentzeko esku-hartze militarra ez baztertzea eskatu diote. Konkretuki, "mahai gainean aukera" guztiak izateko exijitu diote.
AEBen blokeoa
Marcelo Ebrard Mexikoko Atzerri ministroak AEBen blokeoa bukatzea eskatu du NBEren egoitzatik. "Kubako agintariek ezin dituzte egun xiringak edo sendagaiak lortu", blokeoaren eraginez, deitoratu duenez.
Kubari "eta beste herrialde batzuei aplikatzen zaizkien muturreko zigorrak sufrimendu handia eragiten ari dira biztanlerian eta guztiek errespetatu beharko genituzkeen bizi baldintzetan", argudiatu du, La Jornada Mexikoko egunkariak jakitera eman duenez.
Ebrardek gogorarazi duenez, duela aste batzuk NBEko Batzar Nagusia AEBen blokeo ekonomikoaren aurka azaldu zen. Aldebakarreko neurri hertsatzaileekin bukatzea aldarrikatu zuen erakundeak.
Kubari ezarritako blokeoa gaitzesteko ebazpenak aldeko 184 boto eskuratu zituen, kontrako bi (AEB eta Israel) eta hiru abstentzio (Kolonbia, Brasil eta Ukraina).
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.