Zibererasoak gelditzeko neurriak har ditzala eskatu diote EBk, NATOk eta AEBk Txinari
Microsoften aurka munduko herrialde ezberdinetan izandako zibererasoak Txinatik burutu direla salatu dute Europako Batasunak eta NATOk, eta gertakaria iker dezala eskatu diote Pekingo Gobernuari. Ameriketako Estatu Batuak harago joan dira eta zibererasoen ardura Txinari egotzi diote.
Josep Borrell Atzerri Politikarako ordezkariak sinatutako gutun baten bidez, 27ek ohartarazi dute zibereraso horiek Europar Batasuneko ekonomian, segurtasunean eta demokrazian eragina izan dutela. "Europar Batasunak egiaztatu du erasoak Txinatik egin direla", erantsi dute.
Horrenbestez, gertakaria iker dezala eta, nazioarteko segurtasun araudia betez, horrelako erasorik berriro jazo ez dadin neurriak har ditzala eskatu diote Pekingo Gobernuari.
Edonola ere, Europar Batasunak ez dio ardura zuzena Txinari leporatu eta zibererasoen atzean Txinan jarduten duten bi hacker talde ezberdin daudela adierazi du.
NATOk ere saihestu egin du Txinari ardura egoztea, baina irmotasunez jokatzeko eta nazioartean hartutako itunak betetzeko galdegin diote.
Eraso horren helburua Europako eta Ameriketako herrialdeen segurtasuna kolokan jartzea izan dela eta horrek herritarren egunerokoak eragina duela salatu du ohar batean NATOk.
Bestalde, Ameriketako Estatu Batuek salatu dute "jarduera zibernetiko maltzur" horien atzean Txina dagoela eta jarrera arduragabea izate aurpegiratu diete herrialde horretako agintariei.
Hala, Estatu Batuek eta bere aliatuek neurriak hartzen ari direla azpimarratu dute. "Hau guztia mehatxu handia Estatu Batuentzat, segurtasun nazionalarentzat eta ekonomiarentzat", adierazi du Etxe Zuriko goi-kargu batek.
Microsoften kontrako zibererasoa joan den martxoan gertatu zen. Mundu osoko 250.000 sistema informatikorengan izan duela eragina uste dute. Enpresa informatiko estatubatuarrak hasieratik egotzi zion ardura Txinari. Orain Europar Batasuna, NATO eta AEBak gehitu dira salaketa publiko horretara.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.