Japoniak covid-19agatik larri dauden gaixoak soilik onartuko ditu ospitaleetan
Japoniako Gobernuak osasun politika berri bat ezartzea erabaki du, soilik covid-19a duten paziente larriak ospitaleratu ahal izateko, birusarekin kutsatutakoen kopuruak gora egin duelako, eta horrek kritika ugarik eragin ditu.
Yoshihide Suga Japoniako lehen ministroak asteazken honetan baieztatu duenez, estrategia horrek aurrera jarraituko du, polemika handia egon arren. Oraingoz neurria Tokion soilik aplikatuko dutela zehaztu du, bertan "kutsatzeen hedapen handia" baitago.
Hiriburuan 4.166 kutsatze atzeman dituzte asteazken honetan, pandemia hasi zenetik egun bakarrean izandako kasu kopuru handiena. Herrialde osoan ere beste marka bat hautsi da, 14.000 kutsatze baino gehiago atzemanda.
Delta aldaeraren hedapenak joera horretan izan duen eraginak eragiten du kezka; izan ere, Japoniako agintarien kalkuluen arabera, kutsatu berrien % 90 horrek eragin ditu.
Kritika oldea
Japoniako Gobernuak astelehen honetan erabaki duenez, ospitaleek covid-19aren sintoma larriak dituzten gaixoak soilik onartuko dituzte, birusaren gorakadaren ondorioz osasun zentroek gaur egun jasaten duten presioa gero eta handiagoa baita.
Neurri horrek kritika ugari eragin ditu oposizioaren, Komeito alderdi budistaren eta Gobernuaren koalizio-kidearen aldetik, paziente askok arreta medikoa galtzeko arriskua izango baitute.
Gobernuaren proposamena, ustez, sintoma larrienak dituzten gaixoentzat ospitale-plaza nahikoa bermatzeko hartu dute, eta sintoma moderatuak edo arinak dituzten beste gaixo batzuk etxean sendatu beharko dira, medikuen aholkuei jarraituz.
Zure interesekoa izan daiteke
Kuba argindarra berreskuratzen hasi da, astebetean izan duen bigarren 24 orduko itzalaldiaren ostean
Habanan elektrizitate zerbitzuaren % 70 martxan dago, baina ospitaleek eta ur-hornidurarako azpiegiturek dute lehentasuna.
Air Canadako hegazkin batek eta suhiltzaileen kamioi batek talka egin dute New Yorkeko LaGuardia aireportuan
Air Canadako hegazkin batek eta suhiltzaileen kamioi batek talka egin dute igande gauean New Yorkeko LaGuardia aireportuan (Queens). Hainbat lagun zauritu dira, bertako komunikabideek jakitera eman dutenez.
"Persiar golko osoan" minak jarriko dituela mehatxu egin du Iranek, AEBk inguru horretako uharteetan erasoa jotzen badu
Irango Guardia Iraultzaileak entzungor egin dio Trumpek egindako mehatxuari. AEBk zentral elektrikoen kontra egiten badu, “modu berean” erantzungo duela adierazi du Guardiak.
Israelek Teheranen aurkako erasoak areagotu ditu, AEBk eta Iranek elkarri egindako mehatxuen ondoren
Israelgo Armadak defentsa sistemak aktibatu ditu Irandik jaurtitako geldiarazteko. Gerra luzatzea benetako aukera da, adituen arabera.
Sozialistek irabazi dute Parisen
Aurrerakoiek hiri garrantzitsuenetan agintzen jarraituko dute, eta Nizan eskuin muturrak irabazi du.
Israelgo Armadak "eraso olde berri bat" iragarri du Libano hegoaldean
Israelgo Defentsa ministroak Libanoko Litani ibaiaren gaineko zubi guztiak "berehala" suntsitzeko agindu du. Gaur bertan, Qasmiyeh zubiari eraso diote (irudietan ikus daiteke). Israelgo Armadak, bestalde, "eraso olde berri bat" iragarri du, Hezbollah talde xiitaren "azpiegituren aurka", Libano hegoaldean.
Iranen aurkako gerrarekin bat egiteko eskatu dio mundu osoari Netanyahuk
Gideon Saar Atzerri ministroak Araden salatu duenez, Iranek gerrako krimenak egin ditu azken 24 orduetan bertan, "jomuga militarrik" ez duten gune zibilei eraso eginda.
Irango zentral elektrikoak suntsitzeko mehatxua egin du Trumpek, Teheranek Ormuzko itsasartea 48 orduko epean irekitzen ez badu
Iranek esan du itsasartea irekita dagoela AEBrentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela, mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.