Biden, atentatuen egileei: "Zuen atzetik joango gara eta egindakoa ordainduko duzue"
Dozenaka herritar afganiar eta hamarretik gora soldadu estatubatuar hil dira Kabulgo aireportuan ostegun honetan izandako erasoetan. Egunaren hondarrean egindako agerraldi publiko batean, Joe Bidenek azpimarratu du Ameriketako Estatu Batuek ez dutela gertatutakoa ahaztuko, ezta barkatuko ere.
"Zuen atzetik joango gara eta egindakoa ordainduko duzue", agindu du erantzuleei zuzenduta. Estatu Islamikoak hartu du bere gain atentatuen ardura.
Halaber, erasoan hildako soldaduak "heroiak" direla esan du eta abuztuaren 31 arte AEBk ebakuaziok egiten jarraituko dutela berretsi du.
Bestetik, presidenteak herrialde asiarrean gertatu den guztiaren ardura bere gain hartu du: "Neurea da azkenaldian gertatu den guztiaren ardura. Hau da aurreko presidenteak (Donald Trump) talibanekin egin zuen tratua, maiatzaren 1a baino lehen -gero Bidenek aldatu zuen data- indar estatubatuar guztiak Afganistandik atzeratzekoa".
Presidenteak azpimarratu du, "inoiz" ez duela ontzat eman Afganistanen gobernu demokratiko bat ezartzeko estatubatuarren biziak sakrifikatzea, are, "Afganistanen inoiz ez direnean elkar hartuta joan".
Horren harira, Washingtonek Afganistanera iristean Al Kaida "berpiztea" saihestu nahi izan zuela gogorarazi du, nahiz eta orain AEBk "beste herrialde batzuetatik datozen mehatxu handiagoak" dituen, "herrialdetik askoz gertuago".
"Jaun-andreok, 20 urteko gerrari amaiera emateko ordua da", esan du nazioarteko tropen erretiratzearen defentsan.
Zure interesekoa izan daiteke
Zohran Mamdani, New Yorkeko eraberritze aurrerakoia gorpuzteko prest dagoen gizona
34 urterekin, Mamdanik Alderdi Demokratako olatu aurrerakoi, kulturaniztun eta ezkertiar berria irudikatzen du, eta astearte honetako New Yorkeko Alkatetzarako hauteskundeak irabazteko faborito argia da. Bere alderdietako liderren babes argirik ez duen arren, ezkerrera biratu eta izaera sozialeko politika publikoen egarri diren gazteen babesa du.
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haur guztien % 32 indarkeria armatuaren eraginpean bizi dira. 2024an, egunero, batez beste, 78 haur erailketen, bahiketen, sexu-erasoen eta mutilazioen biktima izan ziren, besteak beste.
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.