AEBek talibanekin bake akordioa sinatu dute Afganistan inbaditu eta 19 urte geroago
Ia bi hamarkadako gerra baten eta urtebete baino gehiago negoziatzen eman ondoren, Ameriketako Estatu Batuek eta Afganistango talibanek "pauso historikoa" eman dute larunbat honetan, Dohan (Qatar), "bake akordioa" sinatuta. Nazioarteko tropak herrialdetik ateratzea aurreikusten du akordioak.
Zalmay Khalilzad AEBen Bakerako ordezkari bereziak eta Abdul Ghani Baradar mullah talibanen ordezkariak testua sinatu dute, Indonesia, Turkia eta Pakistango ordezkarien aurrean, baita NBEko edo NATOko arduradunen aurrean ere.
Mahaitik altxatu bezain laster, bi gizonek elkarri bostekoa eman diote, eta aretoan zeuden talibanek, turbante tradizionalekin jantzita eta bizar luzeekin, txalo egin dute, "Ala handia da" oihu artean.
Qatarreko iturrien arabera, bederatzi Atzerri ministro eta Mike Pompeo AEBetako Estatu idazkari sinaduran izan dira. Pompeok prentsaurreko laburra eman du zeremoniaren ostean.
"Itxaropenerako unea da, baina hasiera baino ez da, fronte diplomatikoan lan handia dugu aurretik", azpimarratu du Pompeok agerraldian, Dohako hotel batean.
Testuaren arabera, AEBek "indar militar guztiak" aterako dituzte Asiako herrialdetik, baita ordezkari ez diplomatiko guztiak ere, 14 hilabeteko epean. Era berean, koalizioko aliatuen tropak aterako dituzte.
Bestalde, Oslon (Norvegia) Ashraf Ghaniren Gobernuarekin elkarrizketa hasteko konpromisoa hartu dute talibanek. "Erabateko" su-eten "etengabe" bat negoziatuko dute bertan, itunaren arabera.
Gainera, martxoaren 10ean 5.000 matxino eta Afganistango segurtasun indarretako 1.000 kide askatuko dituzte.
Zure interesekoa izan daiteke
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.