Gutxienez pertsona bat hil bat Louisianan (AEB), Ida urakanaren ondorioz
Gutxienez pertsona bat hil da astelehen honetan Ascension herrian, Louisianan (AEB), Ida urakanaren ondorioz. Ekaitz bortitz horrek argindar- eta ur-mozketak eragin ditu, baita uholdeak ere.
Ascensiongo sheriffaren bulegoak Facebookeko bere kontuaren bidez jakitera eman duenez, bertan 20:30 zirenean zuhaitz bat erori eta pertsona bat zauritu dela jakinarazi diete; bertaratu direnean, ordea, biktima hilda zegoela baieztatu besterik ezin izan dute egin.
Ameriketako Estatu Batuetako Urakanen Zentro Nazionalak (NHC, ingelesezko siglengatik) jakinarazi duenez, 4. mailako Ida urakanak lurra jo du Louisianan, orduko 241 kilometroko haize-boladekin, eta bederatzi ordu geroago 2. mailara jaitsi da.
Louisiana eta Mississippi estatuetan, milioi bat pertsonak argindar-mozketak jasan dituzte, eta hainbat udalerritan kalteak izan dituzte ur-zerbitzuan. Uholdeak ere izan dira hainbat lekutan, eta, ondorioz, Jefferson hiriko biztanleak ebakuatu dituzte, CNNk jaso duenez.
Joe Biden Ameriketako Estatu Batuetako presidenteak esan du ekaitza "potentzialki hilgarria" dela, eta martxan jartzeko prest dituzten larrialdietarako taldeen berri eman du, eta Louisianan eta Mississippin larrialdi egoera sinatuko duela iragarri du.
Ida urakanarekin lotutako ohartarazpenak indarrean daude Louisiana, Mississippi eta Alabama estatuetan. New Orleansen abisua ezarri dute, Katrina urakana igaro zeneko urteurrenean, eta hiri osoa ilunpetan geratu da, elektrizitate-hornidura eten baita.
Zure interesekoa izan daiteke
Ezkerreko blokea nagusitu da Danimarkan, baina akordioak beharko ditu
Moderatuek edukiko dute Gobernua osatzeko giltza: 14 eserleku lortuta, ezkerreko blokearen (84) eta eskuinekoaren (77) artean erabaki beharko dute.
AEBk gerra amaitzeko 15 puntuko plana aurkeztu dio Irani, "The New York Times" egunkariaren arabera
Irango programa nuklearra desegitea eta Ormuzko itsasartea irekitzea omen daude planean. Bien bitartean, Teheranek Washingtonekin zuzeneko negoziazioak daudela ukatu egin du, eta Israelen eta AEBko baseen aurkako erasoekin jarraitu du.
Ekialde Hurbilera 3.000 soldadu bidaltzea aztertzen ari da AEB
Hainbat hedabideren arabera, 82. Aireko Brigada —aireko operazioaetako eliteko unitate epezializatua— bidali nahi du Trumpek Ekialde Hurbilera, Iranen aurkako operazio militarrean parte hartzera.
Israelek adierazi du "segurtasun eremu bat" ezarri eta kontrolatuko duela Libano hegoaldetik Litani ibairaino
Israelgo Defentsa ministroak adierazi duenez, Israel iparraldean bizi direnen segurtasuna bermatzen den arte ez dira itzuliko Libano hegoaldetik iparraldera ebakuatu dituzten ehunka mila herritarrak.
Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.
EBk eta Australiak merkataritza libreko akordioa sinatu dute, ia hamar urteko negoziazioen ondoren
Horri esker, Australiak guztira 1.000 milioi euroko balioa duten muga-zergak kenduko ditu. Merkataritzan ez ezik, Defentsan eta Segurtasunean ere elkarlanean aritzea adostu dute bi aldeek.
Gutxienez 66 lagun hil eta 70 zauritu dira, Kolonbian, hegazkin militar batek izandako istripuan
C-130 Hercules aireontzia Puerto Leguizamo-Puerto Asis bidea egiten ari zen, eta Armadako langileak zeuden barruan istripua izan duenean. Guztira, 128 pertsona zeuden hegazkinean.
EAEko Osasun arloko lan-eskaintzetako hizkuntza-eskakizunen eskumena "nazionala” dela ondorioztatu du Europako Batzordeak
Bruselak horrela erantzun dio Espainiako herritar batek aurkeztutako ekimen bati. Horrek salatzen zuen Osasun arloko lanpostu publikoetara sartzeko euskara eskatzea neurriz kanpoko oztopoa izan daitekeela profesional kualifikatuentzat, eta arretaren kalitaterako kaltegarria izan daitekeela.
Trumpek bost egunez atzeratu du zentral elektrikoen aurkako eraso-oldea, Iranekin "elkarrizketa oparoa" izan baitu
"Azken bi egunetan" Iranekin gatazka "erabat konpontzeko" harremanak izan dituela jakinarazi du AEBko presidenteak. Irango Atzerri Ministerioak aitortu du AEB eurekin harremanetan jarri zela, baina azpimarratu du ez dela negoziaziorik izan.
Libano hegoaldea ez da leku segurua, ez kristauentzat ezta musulmanentzat ere
Israelgo Defentsa ministroak iragarri zuen Libano hegoaldea Gaza bihurtuko zela, eta horixe ari da gertatzen. Libanoko kristauak harrapatuta daude, askok Beiruteko aterpetxeetara egin dute ihes, baina beste batzuek ez dute hiria uzteko asmorik.