Poloniak bereari eusten dio, eta Europako Parlamentuak dirulaguntzak kentzea aztertuko du
Europako Parlamentuan astearte honetan egindako osoko bilkuran, Mateusz Morawiecki Poloniako lehen ministroak azpimarratu du bere herrialdeko Auzitegi Konstituzionalaren ebazpenak Europar Batasuneko zuzenbidearen gainetik daudela, eta Bruselari "xantaia ekonomikoa" egitea leporatu dio.
Talde parlamentario gehienek Poloniaren jarrera salatu dute eta herrialde horren aurkako neurri gogorrak hartzea proposatu dute, Europar Batasuneko zuzenbide estatua arriskuan dagoela ohartarazita.
"Estatu kide batzuen aldetik ohikoa bilakatu da xantaia erabiltzea eta hori ez da demokraziaren oinarria", kritikatu du Morawieckik. Lehen ministro poloniarrak ordu erdiko hitzaldia egin du, agerraldia bost minutukoa izango zela aurreikusita egon arren.
Poloniako Auzitegi Konstituzionalak emandako ebazpena defendatu du eta "xantaia ekonomikotzat" jo du Poloniako Gobernuak erreformak gauzatzen baditu Europar Batasunak krisi ekonomikoari aurre egiteko bideratuko dituen dirulaguntzarik gabe uzteko hainbat herrialdek egin duten proposamena.
Horrez gain, "bi abiadurako Europa" dagoela salatu du eta beste herrialde batzuetan eman diren ebazpenak zalantzan jarri ohi ez direla kritikatu du. Ildo horretan, Alemaniak eta Errusiak Nord Stream 2 gasbidearen proiektua adostu dutela adierazi du.
Ursula Von der Leyen Europako Batzordeko presidenteak, berriz, benetako eztabaidari hel diezaiola eskatu dio: "Europar Batasuneko zuzenbidearen lehentasunaz ari gara". Hala, krisiari aurre egiteko dirulaguntzak jasotzea edo ez Poloniaren esku dagoela esan du. "Independentzia judiziala berrezarri behar dute", erantsi du.
Von der Leyen arabera, Poloniako Auzitegi Konstituzionalaren zilegitasuna "zalantzan" dago, eta azpimarratu du orain arte Bruselak ez duela inoiz galdu zuzenbide estatuari buruzko auzi judizialik.
Horrela, Poloniako Gobernuaren "mehatxuen aurrean" beharrezkoak diren neurriak hartuko dituztela agindu du, gatazka denboran luzatu arren.
"Demokrazia eta zuzenbide estatua autoritatea baina polikiago joan ohi dira, konponbidea bilatzeko alde guztiei entzuten dielako. Horrek ere ezberdintzen gaitu zilegitasuna indarrez lortzen dela pentsatzen duten diktadoreengandik", nabarmendu du Von der Leyenek.
Zure interesekoa izan daiteke
Machadoren jarraitzaileek zuzien prozesioan parte hartu dute
Asteazken arratsaldean, Maria Corina Machado Venezuelako oposizioko kidearen jarraitzaileek Osloko erdigunea zeharkatu duen zuzien prozesio tradizionalean parte hartu dute, sarituak ostatu hartu behar zuen hotelaren aurrean amaitu arte.
Gutxienez 22 pertsona hil dira Fezen, Marokon, elkarren ondoan zeuden bi eraikin behera etorrita
Polizia Judizialak ikerketa abiatu du gertakariaren arrazoiak zehazteko eta xehetasunak argitzeko. Bizilagunen arabera, bi eraikinak erori diren lekuan iraganean txabolak zeuden, eta litekeena da jabeek "irregulartasunak egin izana" eraiki zituztenean.
Indarrean da Australian 16 urtez azpikoei sare sozialak erabiltzea debekatzen dien lege "historikoa"
Australiako Gobernuaren arabera, nerabeek gero eta presio handiagoa jasaten dute ingurune digitaletan, eta sare sozialak goizegi erabiltzeak antsietate, autoestimu baxu eta eskola-isolamendu arazoak larriagotu ditzake. Aldekoak eta kontrakoak ditu lege aitzindariak; azken horien iritziz isolamendua eta deskonexioa ekar diezaieke erabiltzaile zaurgarrienei.
Maria Corina Machado Venezuelako oposizioburuaren alabak jaso du haren izenean Bakearen Nobel saria
Zehaztu gabeko arrazoiengatik, Venezuelako oposizioko burua ez da garaiz iritsi ekitaldira, nahiz eta Norvegiara "iristeko bere esku zegoen guztia egin", Nobel Institutuaren ohar baten arabera. Machado klandestinitatean bizi da iazko uztaileko presidentetzarako hauteskundeetan iruzurra egon zela salatu zuenetik.
Maria Corina Machado ez da Oslora joango Bakearen Nobel saria jasotzera
Nobel Akademiaren zuzendariak Norvegiako NRK hedabideari jakinarazi dionez, ez dakite Machado non dagoen, baina "Norvegian ez dago".
Mundua Oslora begira dago Machadok Nobel saria zuzenean jasoko ote duen zain
Antolatzaileek esan dutenez, uneotan ezin dute zehaztu Bakearen Nobel sariaren ekitaldira Machado noiz eta nola iritsiko den jakiteko.
Frantziako Asanblea Nazionalak Gizarte Segurantzako aurrekontua onartu du
Sebastien Lecornuk urte amaierako lehen azterketa gainditu du, nahiz eta orain testua Senatuan bozkatu beharko duten. Garaipenak, hala ere, 2026rako kontu orokorrak onartzeko bidea erraztuko dio.
Donald Trump, Europako agintariei buruz: "Ahulak direla uste dut, ez dakite zer egin"
Elkarrizketa egin diote AEBko presidenteari Politico hedabide espezializatuan, eta aho-bizarrik gabe hitz egin du. Ukrainako gerrari buruz, Zelenskik "esnatu" egin beharko duela uste du.
Bertan behera utzi dute Maria Corina Machadok Osloko Nobel Institutuan eman beharreko prentsaurrekoa, eta zalantzan dago saria jasotzeko izango egongo ote den
Venezuelako oposizioburuak Norvegiako hiriburura joan egingo dela ziurtatu dio Nobel Institutuari. Hala izango balitz, Machado 2024ko abuztua ezkero lehenengoz agertuko litzateke jendaurrean. Bakearen Nobel Batzordearen buruak bidaia "arriskutsua" dela esan du, Nicolas Maduroren Gobernuak Machadoren aurka har ditzakeen errepresaliak direla eta.
Zelenskik berretsi du ez duela lurralderik lagako eta bake planaren beste berrikuspen bat prestatzen ari da
Zelenskik azaldu duenez, Donald Trumpen administrazioak aurkeztutako planaren hasierako 28 puntuetatik Kieventzat guztiz onartezinak ziren zortzi puntua erretiratu dituzte, Kievek eta Washingtonek Genevan, Abu Dabin eta Miamin egin dituzten bileretan.