Poloniak egunean milioi bat euro ordaindu beharko ditu botere judizialaren independentzia errespetatu arte
Europar Batasuneko Justizia Auzitegiak milioi bat euroko isuna ezarri dio Poloniari asteazken honetan justiziaren ebazpenak ez betetzeagatik. Poloniako independentzia judizialerako mehatxua dela uste du EBk.
Poloniako Zuzenbide Estatuaren urraketei aurrenekoz prezioa jarri die Europar Batasuneko Justizia Auzitegiak. Milioi bat euroko isuna egunean Gobernuari justizia sisteman agindu zizkion aldaketak aplikatu arte.
Uztailean Auzitegi Goreneko diziplina aretoa ixteko esan zion Luxenburgok Varsoviari, areto horrek epaileen independentzia urratzen duelakoan.
Horrexegatik jo zuen Mateusz Morawiecki lehen ministroak Konstituzio Auzitegira, eta horregatik bota zion erronka Bruselari, Europar Batasuneko legeak zalantza jarriz.
Diziplina aretoak itxi gabe jarraitzen duenez, isunak eskatu zituen Europako Batzordeak Poloniarentzat, eta gaur etorri da Europar Batasunaren Justizia Auzitegiaren erantzuna. Poloniako Gobernuaren ustez, baina "txantaia" besterik ez da isun hori.
Joan den astean 27ak izan zuten Goi Bileran garbi geratu zen Alemania, Frantzia eta beste zenbait Estatu kidek ez dutela aurrez aurreko liskarrik nahi Poloniarekin, eta nahiago dutela auzia justiziaren esku utzi.
Luxenburgoko Auzitegiak erabaki beharko du orain zer egin Poloniak eta Hungariak jarri dioten helegitearekin, funtsak eta zuzenbide estatua elkarlotzen dituen mekanismoari.
Albiste gehiago mundua
Hainbat multinazionalek etekina lortzen dute Israel Gazan eta Zisjordanian aurrera eramaten ari den "genozidio ekonomiarekin"
Francesca Albanese Palestinarako errelatoreak egindako txostenaren arabera, Israelen genozidioarekin "mozkinak" lortzen dituzte Blackrock, Vanguard, IBM, Microsoft, Amazon, Google, Palantir Caterpillar, Hyundai, Volvo, Glencore, Drummond, BP eta Chevronek, besteak beste.
Trumpek Musk deserriratzeko mehatxua egin du, nahiz eta Hegoafrikako handi-mandiak AEBko herritartasuna izan
"Aztertuko dut", esan du AEBko presidenteak, deportazioaren inguruan zuzenean galdetu diotenean, kazetariekin izandako bilera labur batean. Ordu batzuk lehentxeago, dirulaguntzarik gabe "Elonek denda itxi eta Hegoafrikara itzuli beharko luke", adierazi du Trumpek sare sozialetan.
Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta berriz ere sarraskia eragin dute. Ismail Abu Hataben heriotzarekin, 228 kazetari hil ditu dagoeneko Israelek Gazaren aurkako erasoaldi militarra abiatu zuenetik.
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.