G20aren gailurra abiatu da, isuriak murrizteko akordio bat ixteko helburu nagusiarekin
G20aren goi bilera abian da Erroman. Munduko 20 herrialde aberatsenetako buruzagiak, eta Europar Batasuneko eta Europako Kontseiluko ordezkariak bildu dira bertan, klima aldaketa hizketagai nagusi dutela. Hutsune nabarmenenak bi izan dira: Xi Ping eta Vladimir Putin Txinako eta Errusiako presidenteena, hurrenez hurren. Mexikoko presidentea, Andres Manuel Lopez Obrador, eta Japoniako lehen ministroa, Fumio Kishida, ere ez dira bertan izango.
Mario Draghi Italiako lehen ministroak eman dio hasiera gailurrari, eta nazioarteko lankidetza gehiago eskatu du, pandemiari aurre egiteko, susperraldi ekonomiko globala lortzeko, klima aldaketaren aurka borrokatzeko eta, azken finean, "mundu osoarentzat onuragarria izango den eredu ekonomiko berria" eraikitzeko.
2050erako "0 isuri" helburura iristeko akordioa erdiestea da G20aren asmo nagusietako bat, 2030erako murrizketa esanguratsuak eginez eta mende amaiera arte tenperaturaren hazkundea 1,5 gradutik behera mantentzeko konpromisoarekin (Parisko Akordioan ezarri zuten helburu hori).
Lurraren tenperatura etengabe ari da igotzen, eta goranzko erritmo horretan jarraituz gero, bikoizteraino iritsi daiteke graduen kopurua. Horregatik, Europar Batasunak isuriak % 55 murriztea nahi du, 2030erako (1990eko mailarekin alderatuta).
Txinak, bere aldetik, emisioak % 65ean murriztuko dituela iragarri du, 2060rako isuriak zeroraino jaistea helburu hartuta. Baita Indiak ere, baina oraingoz,ikatz zentral berriak eraikitzen jarraitzen du, eta erregai fosiletan inbertitzen duenaren herena soilik bideratzen du energia berriztagarrietara.
Bestalde, larunbat honetarako zenbait manifestazio zeuden aurreikusita, 'Fridays For Future' mugimenduko larrialdi klimatikoaren aurkako aktibistek deituak.
Zure interesekoa izan daiteke
Iranek misilak jaurti ditu 4.000 kilometrora, Indiako Ozeanoan, dagoen base militar baten kontra
Bakar batek ez du jo AEBk eta Erresuma Batuek erdizka duten basea. Izan ere, batek hegaldi betean egin du huts, eta bestea AEBko Armadako ontzi batek geldiarazi du. Hala ere, erasoak kezka sortu du Irango armamentuak duen irismen handia dela eta.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio aldi baterako Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.