Txertaketa derrigorrezkoa izango da otsailetik aurrera Alemanian
Alemaniak oraindik txertoa jaso ez dutenei neurri murriztaile gehiago ezarri dizkie, eta litekeena da txertaketa derrigorrezkoa izatea otsailetik aurrera, Angela Merkel kantzilerrak iragarri duenez. Merkel Olaf Scholz ondorengoarekin eta landerretako buruzagiekin bildu da.
Hartutako neurrien artean, intzidentzia maila zehatz batzuen gainetik gaueko aisialdia ixtea, ekitaldi publikoetan murrizketak eta positiboen harremanei neurri murriztaile gehiago aplikatzea, batez ere txertoa hartu ez duten herritarrei, ezin izango baitira familiatik at bildu.
Horrela, aisialdian 2G araua- geimpft o genesen (txertatua edo sendatua)- aplikatuko dute, kutsatzeen kopuruak kontuan hartu barik, eta gainera, proba negatibo bat eskatzea posible izango da.
Era berean, saltoki txikietan 2G araua ezarriko dute, oinarrizko beharretarako produktuen kasuan izan ezik.
Txertoa hartu ez duten pertsonen bilera pribatuak mugatuko dira; horrela, familiartean edo elkarbizitza nukleo berdinean eta beste burbuila bateko bi pertsonarekin soilik batu ahal izango dira, 14 urtez azpiko adingabeak zenbatu barik.
Klubak eta diskotekak itxi beharko dira 100.000 biztanleko 350 positiboen intzidentzia gainditzen denean.
Era berean, intzidentzia maila horren gainetik bilerak 50 eta 200 pertsonara mugatuko dira, barrualdean eta kanpoaldean, hurrenez hurren, nahiz eta txertoa jaso edo sendaturik egon.
Bestalde, musukoa erabiltzea derrigorrezkoa izango da berriro ikastetxeetan.
Covid ziurtagiriaren iraupena bederatzi hilabetera murriztuko dute txertaketa bukatu ondoren. Horregatik, orain hirugarren dosi bat jasotzea garrantzitsua dela azpimarratu du kantzilerrak.
Albiste gehiago mundua
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko 'Palestinaren aldeko Martxa Nazionalean' parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.
Israelek dozenaka gazatar hil ditu, tiroka, Gaza Hirian
Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka.
Tel Aviv, Haifa, Beersheba eta bi hegazkin base misilekin eta droneekin eraso ditu Iranek
Abas Araqchi Irango Atzerri ministroak Genevan esan duenez, Israelen "erasoa gelditu eta erasotzailea epaitzen dutenean diplomaziari berriz heltzeko prest daude".
UNICEFek ohartarazi du denbora amaitzen ari dela Gazan: "Haurrak egarriz hiltzen hasiko dira"
Ia ez dago edateko urik Gazako Zerrendan, Isralek ezarritako blokeo humanitarioaren eraginez. NBEk azpimarratu duenez, erabaki politikoa da.
AEBko hedabideen arabera, Trumpek dagoeneko onartu ditu Irani eraso egiteko egitasmoak
CBSren arabera, Trumpek oniritzia eman dio aireko erasoekin Israeli laguntzeari. 'The Wall Street Journal' egunkariaren arabera, astearteko azken orduan, Trumpek goi aholkulariei esan zien azken erabakia atzeratzen ari zela, Teheranek programa nuklearra uzteko erabakiaren zain.
Sanchezek NATOri jakinarazi dio ez duela defentsako gastua gehiago igoko, eta % 5eko igoera "irrazionaltzat" jo du
Espainiako Gobernuko presidenteak aldarrikatu du gobernu bakoitzak "sakrifizio" jakin batzuk egin zein ez egin erabakitzea zilegi dela, hala nola zergak igotzea eta zerbitzu publikoak eta gizarte-prestazioak murriztea.
Israelek Arakeko ur astunen erreaktorea bonbardatu du, Iranen
Israelen erasoek Iranen azpiegitura militar eta nuklearra murriztu dute, eta 224 lagun hil egin dituzte, persiar Gobernuaren datu ofizialen arabera
Gazako agintariek jaioberriak elikatzeko premiazko laguntza eskatu dute
Horrez gainera, Osasun Ministerioak salatu duenez Gazako erietxeetan soilik hiru egunerako erregaia gelditzen zaie. Bestetik, 25 pertsona hil eta 120 baino gehiago zauritu dira janari zain zeudenean.
Israelek Teherango hainbat auzo eta toki bonbardatu ditu, tartean Ilargi Gorriaren eraikin bat
Joan den ostiral goizaldean Israelek Iranen aurkako erasoa abiatu zuenetik, Teheranek 400 misil balistiko eta ehunka drone jaurti ditu Israelen aurka.