Gabriel Boric ezkertiarrak gidatuko du Txile datozen urteotan
Gabriel Boric ezkerreko diputatuak irabazi ditu Txileko presidentetzarako hauteskundeak, botoen lortuta. Botoen % 92 zenbatuta daudenean, Jose Antonio Kast abokatu ultraeskuindarrak, azaroaren 21eko lehen itzulian 2 puntuko aldea atera zionak, botoen % 44,27 lortu du bigarren itzulian. Hala Txileko historian hauteskunde batzuetan izan den alderik handienetakoa atera dio Boricek.
"Txiletar guztien presidentea izango naiz, ez dut bakarrik eta lau hormen artean gobernatuko", esan du Baricek, Sebastian Piñera kontserbadorearekin egindako telefono dei batean.
Kastek, bere aldetik, botoen erdia baino gehixeago zenbatuta zeudela aitortu du arerioaren garaipena. "Gabriel Baricekin hitz egin berri dut eta bere garaipen handiagatik zoriondu dut. Gaurdanik Txileko presidente hautatua da eta gure errespetu eta lankidetza osoa merezi du. Txile da beti lehentasun", idatzi du Twitterren.
35 urteko diputatua eta ikasleen mugimenduko buru izandakoa, 2022ko martxoan Txileko azken urteetako agintaririk gazteena bihurtuko da Boric. Ekologista, feminista eta erregionalista gisa definitzen da, eta Estatuak duen papera handitu nahi du Europakoaren gisako ongizate-eredu baterantz joateko.
Ardura "umiltasunez" hartzen duela esan du Boricek, eta "itxaropenak beldurra garaitu" duela. Era berean, herrialdea "ziklo aldaketa historiko baten aurrean" dagoela esan du, "alferrik galdu" ezin den aukera.
"Kohesio soziala" eta "benetako garapen iraunkorra" jarri ditu lehentasun eta helburu, baita "giza-eskubideen errespetua", emakumeak, "disidentzia eta aniztasuna", "txiroak eta aberatsak bereizten ez dituen osasun sistema", edo "pentsio duinak" ere. Halaber, erronka gisa jarri du etxebizitza eta oinarrizko zerbitzuak denen eskura egotea, bai eta hezkuntza publikoa indartzea ere.
Era berean gainditu nahi dituen narkotrafikoari eta indarkeriari buruz ere hitz egin du. Klima aldaketaren aurka ere gogor lan egin beharko dela dio "ez delako asmakizun bat".
Ehunka mila lagun bildu dira Santiago erdigunean Boricen garaipena ospatzera.
Salvador Allende (1973-1990) agintetik kendu zutenetik, presidenterik ezkertiarrena izango da, eta 1990ean demokraziara itzuli zenetik boterea banatu zuten bi bloke handietako kide ez den lehena.
Albiste gehiago mundua
NBEren egoitzako eskailera mekaniko bat Trumpen aurrean gelditu izana ikertuko du AEBetako Zerbitzu Sekretuak
New Yorkeko Nazio Batuen egoitzako eskailera mekaniko batean ez aurrera ez atzera geratu ziren AEBko presidentea eta bere emaztea Melania Trump. NBEren arabera, AEBko ordezkaritzaren kide batek "konturatu gabe" segurtasun mekanismo bat aktibatu zuen eskaileraren goiko aldean. Etxe Zuriaren arabera, NBEko norbaitek eskailera mekanikoa itzali bazuen, "kaleratu beharko lukete"
Txina prest, Ragasa supertifoiari aurre egiteko
Urakan-haizeek Hong Kong geldiarazi dute gaur. Taiwanen, supertifoiak gutxienez 14 hildako, hogei bat zauritu eta 100 desagertu baino gehiago utzi ditu. Hildako gehienak etxeko lehen solairuan zeuden adinekoak ziren, eta ezin izan zituzten garaiz ebakuatu.
Sumud Flotillak salatu du "gutxienez 13 lehergailu" jaurti dizkietela eta komunikazioa etenarazi dietela
Nazioarteko flotillak esan du "operazio psikologikoak" direla nabigazioa geldiarazteko, eta droneen presentziak "beldurtu eta Israelentzat inteligentzia biltzeko" helburua duela.
Bueltan da Jimmy Kimmelen saioa, eta aurkezleak Trump kritikatu du "txantxak ez jasateagatik"
Jimmy Kimmelek Donald Trump AEBko presidentearen aurka egin du, programa bertan behera uzteagatik eta adierazpen askatasunaren aurka egin duelako: "Gure liderrak estatubatuarrek euren lanak galtzea ospatzen du, txantxak jasaten ez dituelako", esan du umoregileak hasierako bakarrizketan.
Estatu palestinarra onartzea Hamas "saritzea" dela salatu du Trumpek
Dagoeneko 157 herrialdek aitortzen dute Estatu palestinarra, gehiengo zabala Nazio Batuen Erakundean eserlekua duten 193 herrialdeen artean.
Laku batek gainezka egin eta uholdeak eragin ditu Taiwanen, Ragasa supertifoiak utzitako euriteen ondorioz
Gutxienez 75 pertsona harrapatuta daude, eta bi lagun agertu barik, Guangfu udalerrian, Ragasa supertifoiak eragindako euriteen ondorioz laku natural batek gainezka egin du eta. Urak herriaren erdigunea estali du, eta herritarrak teilatu eta ibilgailuetara igo behar izan dira erreskate-taldeak iritsi arte.
Parazetamola, haurdunaldia eta autismoa: ikerketa askok baztertzen duten korrelazioa
Zientzialarien esanetan, parazetamola beste edozein aukera baino hobea da haurdun dauden emakumeen mina arintzeko. Gainera, seme-alaba autistak dituzten familiak estigmatizatzeko arriskuaz ohartarazi dute, gurasoek eragin duten ustea zabal daitekeelako.
Jimmy Kimmelen programa bueltan da, Charlie Kirken hilketari buruzko iruzkinengatik bertan behera geratu ostean
"Jimmy Kimmel Live!" umorezko late night arrakastatsua ABC katera itzuliko da, saioa kendu izanak Ameriketako Estatu Batuetan sortutako polemikaren ostean.
Beste hamaika herrialdek onartu dute Palestinako Estatua
Frantzia, Belgika, Luxenburgo, Andorra, Malta, Monako eta San Marino izan dira pausoa ematen azkenak, New Yorken bi estatuen konponbidea gauzatzeko pausoak zehazteko asmoz egindako goi bileran.
Trumpek parazetamola autismoarekin lotu du, ebidentzia zientifikorik ez dagoen arren
Donald Trumpen Gobernuak lotura posible bat aurkitu omen du autismoaren eta haurdunaldian parazetamola kontsumitzearen artean. AEBko presidenteak Etxe Zurian iragarri du aurkikuntza, adituek teoria horren sendotasun zientifikoa zalantzan jartzen duten arren.