Israelek preso palestinar bat askatuko du 141 eguneko gose-grebaren ostean
Hisham Abu Hawash preso palestinarrak atzo utzi zuen bertan behera duela 141 egun hasi zuen gose-greba, Israelek inposatutako atxiloketa administratiboa salatzeko. Joan den abenduan egoera kritikoan sartu zen. Ospitale batera eraman zuten, preso jarraitu arren. Azkenean, Israelek erabaki du Abu Hawash aske uztea otsailaren 26an.
Halako atxiloketen politikak, nazioarteko gizarteak zabal gaitzesten duena, palestinarrak atxilotzea ahalbidetzen du, kargurik edo epaiketarik gabe. Hiru eta sei hilabete arteko epean berritu daitezke, presoen abokatuek ere aztertu ezin dituzten probak aurkeztuta.
Abu Hawash 2020ko urriaren 27an atxilotu zuten, eta atxilotzeko hiru agindu jaso zituen, sei hilabetekoa bakoitza. Azkenean, Jawad Boulosek, preso palestinarraren abokatuak, adierazi du Israelek ez duela atxiloketa otsailaz haratago luzatuko.
Preso batzuen askatasuna
Atxilotu palestinarrek gose-grebak egitera jo ohi dute atxiloketa administratiboaren politikaren aurka egiteko. Atxiloketa mota hau ez dator bat Nazioarteko Zuzenbidearekin. 2021eko hasieratik, 60 presok egin dute gose-greba, eta Israelek aske uztea lortu dute hainbatek.
Kayed al Fasfus preso palestinarra abenduaren 4an utzi zuten aske, 131 eguneko gose-greba egin ostean. Halaber, Loai al Ashqarek ere amaitutzat jo zuen gose-greba hasi eta 49 egunera, Israelgo agintariekin askatasuna hitzartu ostean. 113 egun preso eman ostean, Miqdad Qawasmeh presoak ere gose-greba amaitu zuen azaroan, otsailean askatuko dutela jakin ostean.
Gaur egun, Israelek 500 palestinar ditu atxiloketa administratiboan. Guztira, 4.600 palestinar ditu preso Israelek.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.