Australiako Gobernuak bisa baliogabetu dio Novak Djokovic tenislariari eta ezingo du Australiako Irekia jokatu
Australiako Gobernuak bisa baliogabetu dio, bigarren aldiz, Novak Djokovic tenislariari; beraz, herrialdea utzi beharko du eta, ondorioz, ezingo du astelehenean hastekoa den Australiako Irekian parte hartu. Hain zuzen ere, Grand Slam zirkuituaren denboraldiko lehen torneoa da.
Hala ere, ez dute Australiatik "berehala" deportatuko, justiziak bisa bigarren aldiz baliogabetzeko Gobernuaren erabakia berrikusi arte, behintzat. Melbourneko Zirkuitu Federaleko Auzitegiak premiazko bista egin du ostiral honetan, Alex Hawke Immigrazio ministroak tenislariaren bisa bertan behera utzi ostean.
Alex Hawkek azaldu duenez, osasun eta ordena oneko arrazoiengatik hartu dute erabakia.
Itxura guztien arabera, tenis jokalari serbiarraren abokatuek erabakiaren aurkako helegitea jarriko dute, baina ez dago argi noiz helduko den epaileen erabakia.
Djokovic urtarrilaren 5ean joan zen Australiara. Herrialdera sartzeko ezinbestekoa da koronabirusaren aurkako txertoa jasota izatea, baina medikuaren agiri bat aurkeztu zuen salbuetsita zegoela argudiatuta. Dena den, Australiako agintariek bisa bertan behera utzi zioten eta Melbourneko hotel batean atxikita izan dute astelehenera arte. Astelehen honetan aske utzi dute, kirolariak bere abokatuekin hitz egiteko nahiko denbora izan ez duela argudiatu eta gero.
Australiara sartzeko imprimakian adierazi zuen bertara iritsi aurreko 14 egunetan ez zuela inora bidaiatu, baina Serbiatik Espainiara joan zen, eta, horrez gain, bere jaioterrian elkarrizketa bat eskaini zion Frantziako hedabide bati, covid-19an positibo eman zuela jakin arren.
Azkenean deportatu egingo balute, ezingo luke hiru urteko epean Australian sartu.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.