Djokovic Australiako Auzitegiaren zain, astelehenean aztertuko baitu bere kasua
Australiako Auzitegiak astelehenean aztertuko du Novak Djokovic tenislariaren helegitea. Munduko tenis jokalari onenaren bisa atzera bota zuten Australiako agintariek, Australiako Irekian jokatzeko lortu zuen mediku salbuespena okerra zelako.
Atariko saio azkar baten ostean, Anthony Kelly Melbourneko auzitegiko epaileak argudio gehiago aurkezteko eskatu zien bi aldeei, astelehenean, 10:00etatik aurrera, aztertzeko.
Djokovic oraindik ez dute deportatuko, auzitegiak gaia aztertu arte, eta Melbourneko hotel batean itxita jarraituko du, eraikinetik ezin aterata.
Bisa okerra
Australiako Gobernuak herrialdean sartzea galarazi zion Novak Djokovic tenislari serbiarrari, munduko onenari, bisa okerra zuelako eta Australiako Irekian, denboraldiko lehenengo 'Grand Slam'ean, parte hartzeko lortu zuen salbuespen medikua ez zuelako betetzen. Djokovicek ez du covid-19aren aurkako txertorik hartu nahi izan, eta Australian sartzeko derrigorrezkoa denez, salbuespen mediku bat baliatu nahi izan du.
Djokovic zortzi orduz izan zuten atxikita Melbourneko aireportuan, eta ez zioten herrialdean sartzen utzi Dubaitik iritsitako hegaldian. 'Nole'k bezperan jaso zuen baimena, eta Australiako pista azkarren titulua berreskuratzeko asmotan iritsi zen.
Baina asteazkenean, aireportura iritsi zenean, agintariek ukatu egin zioten bisa, ez zuelako salbuespen medikua betetzen: ez zuelako alergia prozesurik izan, ebakuntza bat edo bestelako arrazoi sinesgarri bat.
Hori horrela, Djokovicen sartzeko eskaera atzera bota zuten ez zuelako Australian sartzeko "froga egokirik" aurkeztu.
Ez da jazarpenaren biktima
Scott Morrison Australiako lehen ministroak ukatu egin du munduko tenis jokalari onena jazartzen ari direnik, Aleksandar Vucic Serbiako presidenteak dioenaren aurka.
"Australiak arau argiak ditu mugen inguruan, eta ez du diskriminatzen", adierazi du Morrisonek Canberran emandako prentsaurreko batean, azken orduan bisa atzera bota izanak "Australiako mugak babesteko legearen zentzuzko aplikazioari" erantzuten diola aipatu aurretik.
Vucicek asteazkenean esan zuen Djokovic defendatzeko borroka egingo dutela serbiarrek, eta agintari balkandarrak lanean ari direla jokalariaren aurkako "jazarpena" gelditzeko.
"Mundu berriaren Espartako"
Tenislariaren aitak, Srdjan Djokovicek, salatu du agintari australiarrek semea "preso" dutela ez duelako covid-19aren aurkako txertoa jaso. Aitak adierazi du "mundu libre guztia altxatu" beharko litzatekeela injustizia horren aurka, eta "mundu berriaren Espartako" babestu.
"Novakek eta bere taldeak arazorik izan ez duten beste 25 tenislarik aurkeztutako agiri berberak aurkeztu zituzten", adierazi zuen Sky Newsen. "Umildu egin nahi zuten. Esan zezaketen 'Ez zaitez etorri, Novak', eta hori hobeto egongo legoke. Baina ez, umildu egin nahi zuten, eta oraindik preso daukate", gaineratu zuen semea hotel batean egiten ari den berrogeialdiaren harira.
Hori horrela, berretsi zuen tenislaria ez dagoela "atxilotuta, preso baizik". "Bere gauza guztiak eraman zituzten, diru-zorroa ere bai, eta telefonoa soilik utzi zioten, arropaz aldatzeko aukerarik gabe", azaldu zuen.
Nadalen erantzuna
Bestalde, Rafa Nadal Balear Uharteetako tenislariak pena agertu du Djokovic igarotzen ari denagatik, eta azaldu du "norbera erabakiak hartzeko libre" bada ere, jakin egin behar duela "ondorioak" izan ditzakeela.
"Nire ustez, nahi izan balu, Australian jokatzen egongo litzateke. Bere erabakiak hartu zituen, eta guztiok gara libre nahi dugun erabakiak hartzeko, baina gero ondorioak daude", azaldu zuen prentsaurreko batean.
Zure interesekoa izan daiteke
Porrota Enhanced Games txapelketan: milioika dolar saritan eta dopin librea, ofiziala izango ez den errekor bakar baten truke
Enhanced Gamesek, substantzia debekatuak erabiltzea baimentzen zuen kirol-esperimentu polemikoak, kale egin du. Kristian Gkolomeev igerilariak lehiaketaren errekor bakarra lortu du: milioi bat dolar irabazi du, baina bere errekorra ez da ofiziala izango. 42 parte-hartzaileetatik 38k dopatzeko substantziak erabili zituzten: % 91k testosterona eta % 71k giza hazkundearen hormona. Dopinaren Aurkako Munduko Agentziak eta federazioek atleten osasunerako arriskuaz ohartarazi dute.
Txina gero eta gertuago da Ilargitik: Shenzhou-23 ontzia bart abiatu da Tiangong espazio estaziora
Shenzhou-23 espazio-ontzia bart abiatu da Txinako Gobi basamortutik, helburu argi batekin: 2030erako astronautak Ilargira bidaltzea. Txina gainontzeko potentziak baino hamarkadak geroago batu bada ere espazioko lasterketara, urte gutxitan denei aurrea hartzen ari zaie, eta orain AEBen lehiakide gogorrena da espazioan.
Osasunaren Mundu Erakundeak 900 ebola-kasu baino gehiago zenbatu ditu RDCn, susmagarriak eta baieztatuak batuta
Tedros Adhanom Ghebreyesus Agentziako zuzendari nagusiak aitortu du zailtasunak daudela agerraldi ari aurre egiteko, Ituri probintzian batez ere; eskualde hori da krisiaren epizentroa eta bertan lau pertsonatik batek laguntza humanitarioa behar du eta bost biztanletik herrialdeko baste puntu batzuetatik ihesi iritsitakoak dira.
Marco Rubiok ziurtatu du AEBk ez dutela "akordio txar bat" egingo eta Iranen erantzuna falta dela
Irango Gobernuak jakinarazi du bake akordioa lortzeko bidean AEBrekin abiatutako elkarrizketatan aurrerapausoak egon direla. Dena den, argi utzi du ezin daitekeela esan "ituna berehala iritsiko denik". Halaber, berretsi du etapa honetan ez direla Teheranen programa nuklearrari buruz eztabaidatzen ari.
Milaka txekiarrek Kultura ministroa kargugabetzeko eskatu dute, telebista publikoaren finantzaketa aldatu nahi izateagatik
Ministroen Kontseiluak astelehen honetan, maiatzak 25, aztertuko du irrati-difusioko erakunde publikoek Estatuaren zuzeneko finantzaketa jasotzeko lege-proiektu polemikoa. Orain arte, herritarren tasen sistemaren bidez finantzatzen da.
Gutxienez 14 pertsona hil ditu Israelek Libano hegoaldean, ebakuazio aginduen ondotik
Ente las personas fallecidas hay un niño y entre las heridas cuatro menores. Los ataques de este domingo han tenido como la región de Nabatieh.
Israelek "hipokrita" deitu dio Sanchezi Ertzaintzak flotillako ekintzaileekin izandako jokabideagatik
Israelgo Gobernuak Espainiak herrialde horretan duen Enbaxadako negozio arduraduna, Francisca Pedros, deitu du, Ertzaintzak flotillako ekintzaileen aurka izandako jokabideaz azalpenak eskatzeko. Francesa Albanese NBEren errelatoreak gogor jo du Ertzaintzaren jokabidearen aurka.
33 ontzi igaro dira Ormuzko itsasartetik azken orduetan Iranen baimenarekin, eta 150 dira jada bost egunetan
Iran eta AEB eskualdeko nabigazioa arinduko lukeen bake akordio batera hurbiltzen ari omen diren honetan, Irango Indar Armatuek adierazi dute eurek arduratuko direla Persiar golkoaren eta Ormuzko itsasartearen segurtasunaz, “eskualdeko eta munduko ordena berri bat” babesteko “atzerritarren presentziarik gabe”.
Iranekiko elkarrizketak aurrera jarraitzen duela esan du Trumpek, baina ez duela presazko akordiorik sinatuko
Ursula von der Leyen Europako Batzordeko presidenteak su-eten mugagabe baten oinarriak ezartzea ahalbidetuko duen akordioa sinatzeko eskatu die Irani eta Estatu Batuei, azken 24 orduetan Donald Trump AEBko presidenteak edo Marco Rubio Estatu idazkariak iragarri bezala.
Gizon bat tiroka hasi da Etxe Zuriaren segurtasun kontroleko postu baten aurka
AEBko hedabideen arabera, 21 urteko gizonak buruko osasun arazoak, eta leku horretatik gertu atxilotu zuten duela gutxi. Poliziak tiroka hil du oraingoan. Kaletik zihoan pertsona bat zauritu da tiroketan.