Boricek zentro-ezkerreko Gobernua iragarri du, emakumezko gehiengoarekin
Gabriel Boric Txileko presidente hautetsiak kabinete berria izendatu du ostiral honetan, emakumezko gehiengoarekin. Izkia Siches mediku independentea (Barne Ministerioa eta Segurtasun Publikoa) eta Camila Vallejo diputatu komunista (bozeramailea) nabarmendu dira, horien artean.
Hala, 24 ministeriotik 14 emakumeek hartuko dituzte.
Gainera, lehen aldia da Txileko historian emakume bat Barne Ministerioaren eta Segurtasun Publikoaren kargu egongo dena. Pisu politiko gehien duen ministerioa da, ordena publikoaz eta kabinetea antolatzeaz arduratzen dena.
Beste berritasun handietako bat da Batzorde Politikoan Emakumearen Ministerioa sartzea, Boricen garaipenean erabakigarriak izan ziren talde feministei keinua.
"Gaur atal berri bat idazten hasi gara geure historia demokratikoan", adierazi du ikasleen lider ohiak, datorren martxoaren 11an, 36 urterekin, Txileko presidenterik gazteena bilakatuko denak. "Ez gara zerotik abiatu, badakigu eregitzen eta inspiratzen gaituen historia bat daukagula".
Mario Marcel ekonomialaria, Banku Zentraleko uneko presidentea, Ogasun ministro izendatuta, "kemen handiz hartu dugu gure ekonomiaren suspertzea bermatzeko erronka, horren egiturazko desparekotasunak errepikatu gabe". Boricek "hazkunde iraunkorra" aipatu du, "aberastasunaren birbanaketa justu batez lagundua".
Era berean, gobernagarritasuna izateko helburuz, etorkizuneko agintariak bere kabinetean sartu ditu lehen itzulian babesik eman ez zioten zentro-ezkerreko alderdi tradizionalak; Alderdi Sozialista (PS), Demokraziaren Aldeko Alderdia (PPD), Alderdi Liberala eta Alderdi Erradikala (PR), besteak beste.
"Lantalde honetan jatorri eta formakuntza anitzetako ministroak ditugu lagun, geure herrialdea bezain anitza den kabinetean", ondorioztatu du Boricek.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.