AEBera estraditatzearen aurkako borroka legalarekin jarraitu ahal izango du Assangek
Julian Assangek, WikiLeaksen sortzaileak, Ameriketako Estatu Batuetara estraditatzearen aurka borrokatzen jarraitzeko aukera ematen dion legezko garaipen bat jaso du Erresuma Batuan. AEBk 18 espioitza delitu eta intrusio informatikoa egozten dizkio Assangi eta, ondorioz, 175 urteko espetxe zigorra ezarri nahi diote bertan, defentsak azaldu duenez.
Londresko Auzitegi Nagusiak baimena eman dio Assangeri bere estradizioaren aurkako helegitea aurkezteko hurrengo 14 egunetan, Erresuma Batuko instantzia judizial gorena den Auzitegi Gorenean; hark erabaki beharko du bere kasua onartzen duen ala ez.
Abenduaren 10ean, Ian Burnett eta Tim Holroyde epaileek aktibista australiarraren estradizioa baimendu zuten, AEBren helegite bat ontzat eman baitzuten apelazio prozesu batean. Hala ere, orain, beren epaian aitortu dute defentsak planteatutako alderdi legal bat egon daitekeela Auzitegi Gorenak aztertzea merezi dezakeena.
Erabakia, Auzitegi Gorenaren esku
Helegitea onartuz gero, Gorenak aztertu beharko luke ea onargarria den Washingtonek joan den urrian aurkeztu izana Assangek AEBn jasoko duen tratamenduari buruzko bermeak, eta ez 2021eko urtarrilean lehen auzialdiko hasierako epaiketan.
Gaurko irizpenaren arabera, epaileek uste dute Assangeren errekurtsoa ukatu egin beharko litzatekeela, baina Auzitegi Gorenak ez duenez inoiz lege-puntu zehatz horri buruzko erabakirik hartu, haren esku utzi dute hori aztertu nahi duen ala ez erabakitzea.
Joan den abenduaren 10ean, Auzitegi Nagusiak arrazoia eman zion Washingtoni, eta Vanessa Baraitser epailearen urtarrileko epaiaren kontrako helegitea onartu zuen. Azken horrek WikiLeaksen sortzailearen estradizioa ukatu zuen, bere buruaz beste egiteko arriskua zuela iritzita.
Burnettek eta Holroydek une horretan adierazi zuten, beren irizpena eman aurretik, Baraitserrek bere asmoen berri eman behar ziola AEBko Justiziari, orduan ere bermeak aurkez zitzan akusatuari aplikatuko zitzaion espetxe-erregimenari buruz, bere osasunerako arriskuak gutxitzeko.
Epaileek gaineratu zuten, nolanahi ere, Apelazio Auzitegian gerora aurkeztutako bermeak "nahikoak" zirela eta, beraz, kazetaria entregatzeko baimena ematen zutela.
Urriaren 27ko eta 28ko epaiketan, James Lewis fiskalak, AEBeko ordezkari gisa, bermatu zuen, estraditatzen badute, Assangeri ez diotela "administrazio-neurri berezirik ezarriko", hala nola bisitak edo korrespondentzia betatuta izatea, eta ez dela Coloradoko ADX Florence segurtasun handiko kartzelan sartuko.
Gainera, Washingtonek konpromisoa hartu zuen, bere zaintzapean dagoen bitartean, kazetariak tratamendu psikologiko egokia jasoko lukeela eta, kondenatuz gero, bere jaioterrian, Australian, bete ahal izango lukeela zigorra.
Prozesuak Gorenean jarraitzen badu, orduan alegatutakoa frogatzen saiatuko da defentsa: berme horiek berandu aurkeztu zirela eta ez direla behar bezain sendoak.
Amerikako Estatu Batuak Assangeren atzetik dabil; honek hamarkada bat baino gehiago darama Ingalaterran konfinatuta, nahiz eta ez duten inolako delitugatik kondenatu, WikiLeaks atariaren argitalpenengatik. WikiLeaksek 2010ean eta 2011n AEBk Guantanamoko (Kuba) atxilotze-zentroan egindako abusuak zabaldu zituen, baita Iraken eta Afganistanen ustez egindako gerra krimenak ere.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.