Bidenek ziurtatu du AEBk eta NATOk ez dutela troparik bidaliko Ukrainara
Joe Bidenek astearte honetan ziurtatu du Ameriketako Estatu Batuek eta NATOk ez dutela asmorik Ukrainara tropak bidaltzeko. Alabaina, ohartarazi du Errusiaren kontrako neurri ekonomikoak hartuko dituztela, Ukraina inbaditzen badute.
"Ez dugu asmorik AEBko edo NATOko indarrak Ukrainan zabaltzeko", adierazi du presidente estatubatuarrak kazetarien galderei erantzunez.
Hala ere, berretsi egin du Washington eta bere aliatuak Errusiari zigor ekonomikoak ezartzeko prest daudela, eta erantsi du Vladimir Putini berari ere isunak jartzeko prest egon litzatekeela.
Gauzak horrela, astelehenean AEBko Defentsa Ministerioak egindako iragarpena zuzendu du Bidenek; izan ere, Pentagonoak esan zuen Europa ekialdera edozein unetan 8.500 soldadu bidaltzeko moduan daudela, NATOk haien beharrizana izanez gero.
Astebetean gora egin du tentsioak Europa ekialdean. Errusiak 100.000 soldadu inguru eraman ditu Ukrainako mugara, eta balizko inbasio batek eragin dezakeen gerrak beldurra eragin du.
Testuinguru honetan, Ukrainako Parlamentuak adierazpen instituzionala onartu du, Nazio Batuei eta Europar Batasunari Errusiaren balizko inbasioa gelditzeko eta "xantaiak eta mehatxuak" amaitzeko beharrezkoak diren neurriak har ditzatela eskatuz.
Horrez gain, egoera baretzeko eta tropa errusiarrak Ukrainako mugatik aldentzeko "bide diplomatiko guztiak erabiltzeko" deia egin dute.
Bestalde, Josep Borrell Europar Batasuneko Atzerri Gaietarako goi-ordezkariak esan du Gerra Hotza amaitu zenetik "garairik arriskutsuena" bizitzen ari dela Europa.
"Azken bi urteetan segurtasunak nabarmen egin du okerrera, eta konbentzituta nago Gerra Hotza amaitu zenetik garairik arriskutsuena bizitzen ari garela. Gatazka militar handi bat sortzeko arriskua dugu aurrean", ohartarazi du.
Espainiak elkarrizketaren alde egin du, baina marra gorriak jarrita
Bestalde, Jose Manuel Albares Espainiako Kanpo Gaietarako ministroak azpimarratu du Espainiako Gobernuak Errusia eta Ukrainaren arteko gatazka elkarrizketaren bidez konpontzeko hautua egin duela, baina "marra gorri" batzuk daudela eta "mehatxupean" negoziatzea onartezina dela zehaztu du.
Albaresek agerraldia egin du Kongresuan, Espainiako Gobernuaren jarrera azaltzeko, eta talde parlamentarioei batasuna eskatu die. "Diplomazia, tentsioa baretzea eta disuasioa dira gure helburuak", erantsi du.
Ministroak adierazi du Errusiak 100.000 soldadu mugara eraman izanak ez duela justifikaziorik, eta salatu du Ukraina NATOn ez sartzea eta Europar Batasunetik urruntzea nahi duela.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.