Ukraina babestuko duela berretsita, Errusiaren aurrean bitartekari izateko eskatu diote Estatu Batuek Txinari
Ameriketako Estatu Batuek berretsi dute irmotasunez erantzungo dutela Errusiak Ukrainari eraso egiten badio. Hala ziurtatu dio Joe Biden presidente estatubatuarrak Volodomir Zelenski presidente ukrainarrari ostegun honetan telefonoz izan duten elkarrizketan.
"Errusiak Ukraina inbadituz gero, Estatu Batuek eta bere aliatuek irmotasunez erantzungo dutela ziurtatu du. Halaber, Ukrainaren batasuna eta subiranotasuna aitortzen dituela berretsi du", adierazi du Etxe Zuriak ohar bidez.
Horrez gain, gogora ekarri du AEBko Gobernuak 449 milioi euroko dirulaguntza eman diola Ukrainari, eta herrialde horren ekonomia suspertzeko laguntza "makro-ekonomiko osagarri bat" nola bideratu daitekeen aztertzen ari direla.
Bestalde, Bidenek argitu du AEBren Kieveko enbaxada "irekita eta martxan" dagoela, langile batzuen senideak AEBra itzuli badira ere.
Amaitzeko, berretsi du ez dutela ezer egingo Ukraina kontuan hartu gabe, eta bere babesa eman dio Europa ekialdeko gatazka bideratzeko Normandiako Laukotea (Errusia, Ukraina, Alemania eta Frantzia) egiten ari den lanari.
Txinaren bitartekaritza eskatu dute
Bestalde, Estatu Batuek ostegun honetan Txinari eskatu diote Ukrainako krisian "era konstruktiboan" esku hartzeko Errusiarekin tentsioa jaisteko, gerra pizteak ondorio negatiboak izango lituzkeelako Pekinentzat ere.
Ned Price Estatu Departamentuko bozeramaileak prentsaurrekoan esan du gertuko harremana duela Errusiarekin, Mendebaldeko herrialdeek ez bezala, eta "eragin" hori aprobetxatzeko gonbita egin du, konfrontazioa gelditzeko.
Hala erantzun dute Estatu Batuek, Pekin Ukrainako krisiaren joko politikoan sartu ostean. Ohartarazpena egin diote Washingtoni, Moskuren "kezka legitimoak errespetatu" behar dituela adieraziz.
Antony Blinken Estatu idazkariarekin telefonoz izandako elkarrizketan, Wang Yi Txinako Kanpo Arazoetako ministroak NATOren "hedapen" militarra kritikatu du, eta "lasaitasuna" eta "eustea" eskatu ditu.
Lasaitasunerako deiari dagokionez, AEBko Gobernuak Pekini gogorarazi dio komeni ez zaion gatazka bat ekiditeko eragin dezakeela.
"Ukrainan gatazka badago, Txinarentzat ere ez da ona izango. Eragin esanguratsua izango du ekonomia globalean", adierazi die hedabideei Vitoria Nuland Politiko Gaietarako Estatu idazkariordeak.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.