Kanadako Gobernua murrizketen aurkako "legez kontrako blokeoei" aurre egiten saiatzen ari da
Kanadako Gobernuak krisi mahaia jarri du martxan herrialde osoan Askatasunaren Konboia egiten ari den protesten "legez kontrako blokeoari" aurre egiteko.
"Justin Trudeau lehen ministroak Gertakariei Erantzuteko Taldea deitu du herrialde osoan izaten ari diren legez aurkako blokeoei aurre egiteko, merkataritza, lana, ekonomia eta gure komunitateak arriskuan jartzen dituztelako", adierazi du komunikatu batean.
Toronto (Kanada) eta Michigan (Estatu Batuak) lotzen dituen Ambassador zubia, eta portuen sarbideak, irekitzen saiatzen ari dira agintariak. Gobernuarentzat "berebiziko garrantzia duten merkataritza bideak dira, eta legez kontrako blokeoak benetako kaltea eragiten ari dira gure lanbideetan eta gure ekonomietan, mugaren bi aldeetan", horien hitzetan.
Kanadaren eta AEBren artean gehienbat errepidez mugitzen dira merkantziak, eta hornidura-bide nagusiak arriskuan daude.
Txertoen aurkako mugimenduaren eta murrizketen kontra dauden pertsonen protestek eta blokeoek bi aste itxi dituzte komunikabideak, batez ere Ottawan, eta, hori dela eta, manifestarien, bizilagunen eta agintarien arteko tentsioa gero eta handiagoa da.
Ameriketako Estatu Batuetan, Etxe Zuriak ordena berrezartzeko eskatu du, eta laguntza eskaini dio Kanadako Gobernuari.
Konboirik ez Europan
Europako zenbait hiritan, osasun murrizketen kontrako Askatasunaren Konboiak ez du baimenik lortu protesta egiteko. Annelies Verlinden Belgikako Barne ministroak eta Bruselako agintariek iragarri dutenez, otsailaren 14rako iragarritako blokeoa ekiditen saiatuko dira.
Ganten ere, bide beretik jo dute, eta Belgikako hiri horretan ez ezik, Parisen eta Vienan ere debekatu dituzte martxak aste honetan.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.