Bidenek Mendebaldearen batasuna azpimarratu du eta Putini esan dio ordaindu egin beharko duela
Joe Biden presidente estatubatuarrak hitzeman du Vladimir Putinek ordaindu egin beharko duela Errusiak Ukraina inbaditzeagatik. "Uste zuen Mendebaldeak eta NATOk ez zutela erantzungo. Pentsatu zuen banatu egingo gintuela. Putin oker zegoen. Prest geunden", ziurtatu du.
Batasunaren egoerari buruzko hitzaldiaren herena Ukrainako gerrari eskaini dio Bidenek, eta iragarri du Ameriketako Estatu Batuek aire eremua itxiko dietela Errusiako hegazkinei, aurrez Kanadak eta Europar Batasunak egin bezala.
Halaber, mundu librearen oinarriak suntsitu nahi izatea egotzi dio Putini, baina, nabarmendu duenez, "askatasuna beti gailenduko zaio tiraniari".
Aurrez prestatuta zuen testua aldatu behar izan du Joe Bidenek, eta Ukrainako krisiari eskaini dio hitzaldiaren herena. Oksana Markarova Ukrainak AEBn duen enbaxadoreak bertatik bertara entzun du hitzaldia, Jill Bidenen alboan. Ukrainari buruzko adierazpenak amaituta, demokratak eta errepublikanoak zutitu eta txaloka hasi dira.
Ukraina albo batera utzita, barne gaiak ere izan ditu hizpide Bidenek. Inflazioari dagokionez, bere lehentasuna prezioak kontrolpean jartzea dela adierazi du, "kostuak murriztuz eta ez soldatak". Inflazioa azken 40 urteotako mailarik gorenean dago Ameriketako Estatu Batuetan.
Pandemiaren bilakaerari dagokionez, hainbat estatuk kendu egin dituzte covid-19aren zabalkundea geldiarazteko ezarritako murrizketak, hala nola leku publiko itxietan maskara erabiltzeko derrigortasuna. Iaz ez bezala, Kapitolioan aukerakoa izan da maskara erabiltzea.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.