Errusiak Europako zentral nuklear handienean egindako erasoak kezka eta atsekabea piztu ditu nazioartean
Errusiak Europako Zaporizhiako zentral nuklearrean, hau da, Europako zentral handienean, egindako erasoak alerta guztiak piztu ditu nazioartean, eta berpiztu egin ditu Ukrainako gerra nuklear bihurtzeko beldurra.
Ukrainan Txernobyleko zentral nuklearra dago, 1986an inoizko hondamendi nukler larriena eragin zuena, eta hori ere indarrez hartuta du Errusiako Armadak.
Rafael Grossi Energia Atomikoaren Nazioarteko Agentziaren (IAEA) presidentearen esanetan, Errusiako indarrek jaurti dute zentral nuklearraren kontrako jaurtigaia. Halaber, horrelako guneetatik gertu borrokan aritzearen arriskuaz ohartarazi du.
Ukrainako Fiskaltzak ikerketa abiatu du: "etsaiaren erasoak sutea eta leherketa nuklear baten mehatxua eragin ditu, ingurumen hondamendi globala eragiteko arriskuarekin".
Rosemary DiCarlo NBEko Gai Politikoetarako arduradunak salatu du zentral nuklearren inguruetan erasotzea "onartezina" eta "arduragabekeria" dela.
Europar Batasunak segurtasun nuklearra arriskuan ez jartzko deia egin du, ondorioak "hondamendia" liratekeelako.
Emmanuel Macron Frantziako presidenteak zentralaren aurkako erasoa salatu du, eta instalazio horien segurtasun eta babesa bermatzea "berebizikoa" dela erantsi du.
AEBek, aldiz, "gerra krimen"tzat jo dute erasoa.
Jens Stoltenberg NATOko idazkari nagusiak Zaporizhiako zentral nuklearraren aurkako erasoaldia salatu du, baina aliantza ez dela gatazkaren parte berretsi du. NATOko kide diren herrialdeetako Atzerri ministroak ezohiko bilera egiten ari dira gaur Bruselan, besteak beste, Ukrainako gerraz eta horrek epe luzera izango dituen ondorioez hitz egiteko.
Errusiaren "terrorismo nuklearraren" aurrean "berehala" esnatzeko deia egin dio Volodimir Zelenski Ukrainako presidenteak Europari. Txernobylgo hondamendi nuklearra errepikatu baina "sei aldiz handiagoa" egin nahi izatea egotzi dio Errusiari, Txernobylen erreaktore batek egin baitzuen eztanda eta Zaporizhiakoan sei baitaude.
Zelenskik telefonoz hitz egin du Joe Biden AEBko presidentearekin, Charles Michel Europako Kontseiluko presidentearekin, Olaf Scholz Alemaniako kantzillerrarekin, Andrzej Duda Poloniako presidentearekin, Rafael Grossi Energia Atomikoaren Nazioarteko Agentziaren (IAEA) presidentearekin eta Boris Johnson Erresuma Batuko lehen ministroarekin. Hain zuzen ere, azken horrek Nazio Batuen Segurtasun Kontseiluaren premiazko bilera deitzeko eskatuko du.
Errusiako Defentsa Ministerioak ukatu egin du zentral nuklearra tankeekin, artilleriarekin eta suziriekin eraso izana, eta gertakaria Ukrainako sabotaje talde batek egindako "probokazio ikaragarria" izan dela esan du. Errusiako Defentsa Ministerioko bozeramaileak adierazi duenez, soldadu errusiarrek "saboteatzaile ukrainarren" erasoari erantzun diote. Aleksandr Lukaxenko presidente bielorrusiarraren hitzetan, Bielorrusia ez da aktiboki parte hartzen ari inbasioan eta ez du inolako proposamen formalik jaso esku hartzeko.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.