Errusiak erasoei berrekin die Mariupolen eta Volnovakhan, ebakuazio saiakerak huts egin ostean
Errusiako Defentsa Ministerioak iragarri du Mariupolen eta Volnovakharen aurkako erasoaldiari berrekin diola, azken orduotan bi hiri horietan zibilak ebakuatzeko saiakerak huts egin ostean.
Kremlinek salatu du Ukrainak ez duela ezer egin indar nazionalista ultraeskuindarrei aurre egiteko, horiek izan direlakoan su-etena galarazi dutenak.
"Zibil bat bera ere ezin izan da atera Mariupoletik eta Volnovakha hirietatik iragarritako pasabide humanitarioetatik", azaldu dio Defentsa Ministerioak TASS albiste-agentziari.
Izan ere, Moskuren arabera, ultraeskuindar batailoiek bi hirietako herritarrak "giza ezkutu" gisa erabili dituzte, eta su-etena "elkartzeko eta postuak indartzeko" baliatu dute.
Hirugarren negoziazio batzarra, astelehenean
Ukrainako gerra eteten saiatzeko Errusia-Ukraina negoziazioaren hirugarren batzarra astelehenean izango da, martxoaren 7an, Kieveko ordezkaritzako kide batek jakinarazi duenez.
"Negoziazioen hirugarren batzarra astelehenean izango da", adierazi du David Arakhamiak, Volodimir Zelenski presidentearen alderdiko ordezkariak, Facebooken.
Bilera Polonia eta Bielorrusia arteko mugan egingo dute berriro, otsailaren 28an eta martxoaren 3an bezalaxe.
Bigarren batzarrean erabaki zuten, hain zuzen ere, giza pasabideak irekitzea zibilak ebakuatzeko, eta elikagaiak eta sendagaiak sartzeko.
Ukrainak bere negoziatzaileetako bat hil du
Ukrainako zerbitzu sekretuek (SBU) Errusiako ordezkariekin negoziazio mahaian eseri den ordezkari ukrainarretako bat hil dute, Denis Kireev hain zuzen ere, traizioa leporatuta.
Tiro bat jota hil dute Kireev, atxilotuta zegoela, Pravda egunkariak goi mailako iturriak aipatuta jakinarazi duenez.
Oharra Estoniari, Letoniari eta Lituaniari
Bestalde, Errusiako Atzerri Ministerioak Baltikoko herrialdeei (Estonia, Letonia eta Lituania) ohartarazi die "Errusiaren aurkako psikosiaren" erantzule egingo dituela, Europar Batasunarekin batera Errusia Baltiko Itsasoko Estatuen Kontseilutik ateratzea erabaki ostean.
"Vilniusi, Rigari eta Tallini ohartarazten diegu zabaldu duten Errusiaren aurkako psikosiaren ondorioen erantzule egingo ditugula", adierazi du.
Era berean, Ministerioak errusiar diplomazia babesteko beharrezko neurri guztiak hartzeko eskatu die hiru herrialdeei.
Horren aurretik, Maria Zakharova Atzerri Ministerioaren bozeramaileak jakinarazi die "ekintza oldarkor" gisa hartu dutela erabakia.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.