Porrot egin du Mariupoletik herritarrak ateratzeko bigarren saiakerak
Errusiaren erasoek Mariupoleko herritarren ebakuazioa galarazi dute bigarren egunez jarraian, Anton Geraschenko Ukrainiako Barne Ministerioko aholkulariak eta Guardia Nazionaleko Azov taldeko kide batek salatu dutenez. Errusiazaleen aldeak, berriz, adierazi du 300 zibil behintzat atera dituztela, "nazionalista ukrainarren probokazioa gora-behera".
"Mariupolen zibilentzat giza pasabide bat martxan jartzeko bigarren saiakera Errusiaren bonbardaketekin zapuztu da berriro", adierazi du Gershchenkok Telegramen, eta Azov ultraeskuindar taldearen bideo bat zabaldu du Errusiari su-etena apurtzea egotziz.
"Ulertu behar da, okupazio indarrek zibilekin egiten ari diren sarraskia dela eta, ez dagoela giza pasabideen segurtasuna bermatzerik", idatzi du Ukrainako Barne Ministerioaren aholkulariak.
Donetskek 300 zibil atera ditu
Bestalde, Donets errepublika errusiazaleko agintariek jakinarazi dute 300 zibil baino gehiago atera dituzte Mariupol hiritik.
"Ukrainako nazionalistek giza pasabidearen aurka egin dituzten probokazioak gora-behera, Donetseko Herri Errepublikak 300 pertsona baino gehiago atera ditu Mariupoletik", adierazi dute indar errusiazaleek.
Atzo, Denis Pushilin Donetseko administrazoko buruak adierazi zuen Mariupol "giza hondamendi baten atarian" dagoela, "urik, elikagairik, sendagairik, argindarrik eta gasik gabe".
Hala eta guztiz ere, Peredovoye, Kariernoye eta Ravnopol herriak bereganatu ahal izan omen zituzten, Mariupoleko auzo batzuekin batera.
Udalak iragarri du su-etena
Mariupoleko Udalak baieztatu du Telegram bidez beste su-eten bat ezarri dutela ukrainar hirian, giza pasabidea martxan jarri eta herritar zibilak bertatik atera ahal izateko.
Atzo ere ezarri zuten bost ordurako su-etena, baina ez zen errespetatu eta herritarrak ezin izan zituzten atera. Bi aldeek elkarri leporatu zioten, adostutakoa urratu eta gerra eten ez izana. Gaur, 09:00etatik 20:00etara ahalegindu behar ziren herritarrak hiritik ateratzen.
Zabaldutako informazioaren arabera, Mariupoletik Zaporizhiarainoko bidea antolatu dute ebakuaziorako, 200 kilometro ingurukoa. Oraingoz, ez dute baieztatu Volnovakha hirian ere su-etena ezarri duten edo ez. Inguru horretan, gutxi gorabehera, 425.000 herritar bizi dira.
Gurutze Gorriaren Nazioarteko Batzordeak ohar bidez jakitera eman duenez, "ebakuazio operazioan segurtasuna bermatzeko lanean" ari dira, batez ere, "irteera guneak errazteko", gerrako bi aldeekin hala adostuta. "Hainbesteko indarkeriaren erdian, herritarrei arnasgune bat zabalduko zaie", esan du Gure Gorriak. Halaber, giza pasabideak "ondo antolatzeko" eskatu du, "arriskurik gabe".
Duen kokalekugatik eta portu oso garrantzitsua duelako, Mariupol hiri estrategikoa da, Azov itsasertzean. 450.000 biztanle inguru ditu, eta Errusiako tropek hiria hartzea lortuko balute, Krimeako penintsulan zabalduta dauden soldaduekin bat egingo lukete zuzenean.
Hirugarren negoziazio batzarra, astelehenean
Ukrainako gerra eteten saiatzeko Errusia-Ukraina negoziazioaren hirugarren batzarra astelehenean izango da, martxoaren 7an, Kieveko ordezkaritzako kide batek jakinarazi duenez. "Negoziazioen hirugarren batzarra astelehenean izango da", adierazi du David Arakhamiak, Volodimir Zelenski presidentearen alderdiko ordezkariak, Facebooken.
Bilera Polonia eta Bielorrusia arteko mugan egingo dute berriro, otsailaren 28an eta martxoaren 3an bezala.
Bigarren batzarrean erabaki zuten, hain zuzen ere, giza pasabideak irekitzea zibilak ebakuatzeko, eta elikagaiak eta sendagaiak sartzeko.
Visak eta Mastercardek bertan behera utzi dituzte operazio guztiak Errusian
Bien bitartean, azken orduotan Visak eta Mastercardek bertan behera utzi dute euren jarduna bart Errusian. Hala, hemendik aurrera biztanleek ezingo dute trantsakziorik egin plataforma horien bidez ezta zordunketa zein kreditu txartelik erabili ere.
Al Kelly Visako presidente eta zuzendari exekutiboak azaldu duenez, "zerbait egin beharra daukagu Errusiak Ukrania inbaditu ondoren eta ikusi ditugunak ikusi eta gero".
Nazioarteak Errusia ekonomikoki estutzea erabaki du gerragatik. Duela astebete Ameriketako Estatu Batuek eta Europa Batasunak (EB), mendebaldeko hainbat herrialderekin batera, hainbat banku errusiar Swift sistematik ateratzea erabaki zuten, nazioarteko finantza sistematik deskonektatuz.
Zure interesekoa izan daiteke
80 urte igaro dira Nurenbergeko Epaiketetatik, gizakien aurkako gehiegikeriekin amaitzea helburu zuen prozesutik
1945eko azaroaren 20an hasita, Alemaniako nazien 22 goi-kargudun epaitu zituzten Nurenberg hirian eta haietatik 12ri heriotza-zigorra ezarri zieten. Holokaustoaren antzerako izugarrikerien aurrean disuasioa zuen helburu prozesu hark baina, 80 urte geroago, helburua ez zuela bete argi dute adituek.
Estatu Batuak eta Errusia Ukrainarako bake plan bat negoziatzen ari dira sekretupean
AEBko hainbat hedabidek aurreratu dutenez, 28 puntuko zirriborroa da, besteak beste, Ukrainako bakea, segurtasun bermeak eta Europako segurtasuna jorratzen dituena.
AEBko Senatuak Epsteinen paperak argitaratzeko legea onartu du eta Trumpi bidali dio, sina dezan
Ordezkarien ganberak aldeko 427 botorekin eta kontrako boto bakarrerekin onartu du lege proiektua; horri esker demokratek eskatu ahal izan dute legea prozedura laburtu baten bitartez bideratzea, eta errepublikanoen babesarekin, beste bozketa bat egitea saihestea.
Sanchezek iragarri du 615 milioi bideratuko dituela Ukraina armatzeko, eta 202 milioi, herrialdea berreraikitzeko
Bi aldeek segurtasun-akordioa sinatu zuten iaz. Horretan, Espainiak 2025ean laguntza militarrerako guztira 1.000 milioi euro bideratzeko konpromisoa hartu zuen.
Zelenskyk eta Sanchezek Picassoren "Gernika" ikusi dute, Reina Sofia museoan
Ukrainako presidentea eta Espainiako gobernuko presidentea Picassoren obrari buruz solsatu dira. Zelenskik, hain zuzen ere, Bizkaiko hiribilduaren kontrako bonbardaketa aipatu zuen 2022an Diputatuen Kongresura egindako bisitan.
NBEko Segurtasun Kontseiluak Trumpen Gazako "bake plana" onartu du, nazioarteko indar baten hedapena barne
Hamasek errefusatu egin du ebazpenean aurreikusitako nazioarteko indarra, ohartarazi du nazioarteko misioa ez dela neutrala, palestinarren subiranotasuna urratzen duela eta erresistentzia "eskubide legitimoa" dela. Guterresek dio Gazari buruzko ebazpenak su-etena finkatu behar duela eta zehaztasuna eskatu du.
Zelenskik Espainian egingo du geldialdia, bere gobernua astintzen ari den ustelkeria auziaren erdian
Ukrainako presidentea laguntza militarra eskatzen ari zaie Europako bazkideei, Errusia guda zelaian aurrera egiten ari den honetan. Errusiako Armadak egun gutxi batzuetan hainbat herri hartu ditu Zaporizhiako frontean, Ukraina hego-ekialdean.
Trumpek jarrera aldatu du eta Epsteinen artxiboak sekretupetik ateratzearen alde bozkatzeko eskatu die errepublikanoei
"Ez dugu ezer ezkutatzeko", adierazi du AEBko presidenteak sare sozialetan. Ordezkarien Ganberan astearte honetan egingo da bozketa, baina agiriak publiko aurretik Senatuak onartu eta Trumpek sinatu behar du.
Jara ezkertiarra eta Kast ultraeskuindarra lehiatuko dira bigarren itzulian, Txileko presidente izateko
Hautagai ofizialistak botoen % 26,7 eskuratu ditu lehen itzulian, bigarren gelditu den hautagai ultraeskuindarraren aurretik (% 24,1). Hala ere, abenduaren 14ko bigarren itzuliari begira ezkerrak aukera oso gutxi ditu presidentetza eskuratzeko, izan ere, oso litekeena da eskuineko blokeak eskuin muturreko hautagaia babestea.
Hasi da boto zenbaketa Txileko hauteskunde presidentzialetan
Jeannette Jara egungo presidentearen ministro ohia izango litzateke irabazlea inkesten arabera, baina bigarren itzulira Kast edo Kaiser ultrekin joan beharko luke, eta zaila izango luke gobernatzea eskuindarrek bat eginez gero.