Errusiaren baldintzak su-etenerako: Donetsk eta Luhansk aitortzea eta Krimea lurralde errusiarra dela onartzea
Dimitry Peskov Errusiako Gobernuaren bozeramaileak iragarri du Mosku prest egongo litzatekeela Ukrainan "berehalako" su-etena ezartzeko, Kievek Donetsken eta Luhansken independentzia aitortzen badu eta Krimea lurralde errusiarra dela onartzen badu.
Reuters agentziarekin telefonoz izandako elkarrizketa batean, Peskovek erantsi du Ukrainak ezagutzen dituela zeintzuk diren Errusiaren baldintza balizko su-etenerako, baina oraindik ez dietela erantzunik eman.
Ordu batzuk geroago, Volodimir Zelenskik eskaintza hori baztertu du, "ultimatuma" dela salatuta, eta gatazka elkarrizketaren bidez konpontzeko deia egin dio Vladimir Putini.
Bien bitartean, zibilak ebakuatzeko korridore humanitarioak sortzeko "baldintza bakar bat ere ez betetzea" leporatu die agintari ukrainarrei Errusiako Armadak, Ukrainako hainbat hiritan aldi baterako su-etena iragarri ostean. Ukrainako Gobernuak, bere aldetik, Moskuk egindako proposamena "zentzugabea, zinikoa eta onartezina" dela uste du.
"13:00ak arte (tokiko ordua), Ukrainak ez du baldintza bakar bat ere bete korridore humanitarioak sortzeko", adierazi du Mijail Mizintsev Errusiako Defentsa Kontrolatzeko Zentro Nazionaleko buruak. Zentzu horretan, gaitutako sei korridore humanitarioetatik gertu, Errusiako Armadak Ukrainako Indar Armatuen eta "nazionalisten" 170 eraso baino gehiago zenbatu dituela adierazi du.
Era berean, Frontearen lerroan armatuta dauden pertsonen mugimendu handia salatu du, eta erasoak une batean ere ez direla gelditu salatu du. Gainera, Mariupolen herritarrek konboi humanitarioetan aurrera egiteko edozein saiakera "gogor zapaldu" dutela azpimarratu du.
Ukrainako gerra hasi zenetik 12. eguna betetzen den honetan, Errusiako Armadak korridore humanitarioak iragarri ditu (Euskal Herrian 08:00ak zirenean ezarri behar zituzten) Ukrainako hainbat hiritan: Kieven, Mariupolen, Kharkiven eta Sumyn. Errusiako Armadak berak iragarri die albistea Gurutze Gorriari, Nazio Batuen Erakundeari eta Europako Segurtasun eta Lankidetzako Antolakundeari.
"Kiev, Kharkiv, Sumy eta Mariupol hirietako egoera humanitario tamalgarriaren eta larriaren aurrean", isiltasun erregimena ezarri eta korridore humanitarioak irekiko dituela dio Errusiako indar armatuen komunikatuak.
Ukrainako Gobernuak, ostera, uste du "zentzugabea, zinikoa eta onartezina" dela astelehen honetan Errusiako agintariek Ukrainako hainbat hiritatik Errusiara zibilak eramateko egindako proposamena.
Kieven, pasabide humanitarioa Hostomel hiritik barrena Txernobylera eta Bielorrusiako Gden herrira (Bielorrusia) iritsiko da.
Mariupoletik, bi ihesbide aurreikusi ditu. Lehenengoa Mariupoletik Errusiako Rostov hiriraino joango da; bigarrena, berriz, Mariupoletik Manhushera, Donetsken.
Kharkiven, pasabide humanitarioak Belgorod izango du helmuga (Errusia). Halaber, Sumy hiritik bi ibilbide aterako dira: lehena Belgoroderaino (Errusia) eta bigarrena Poltavaraino (Ukraina).
Azken egunetan Mariupol hiritik zibilak ateratzeko bi saiakerak porrot egin ondoren ikusi egin beharko da agindutakoa betetzen den ala ez.
Asteartean Donetsk eskualdeko Horlivka hiria ebakuatuko dute
Independentzia aldarrikatu duen Donetskeko Herri Errepublikako agintariek iragarri dutenez, datorren asteartetik aurrera, Horlivkako 200.000 biztanle Errusiara ebakuatuko dituzte.
Errusiak Ukraina inbaditu zuenetik, Ukrainako Armadak zibilen aurkako bonbardaketak areagotu dituela salatu dute.
Ivan Prikhodko hiriko alkateak igande honetan baieztatu dio albistea Interfaxi: "Ukrainako indar armatuen bonbardaketei dagokienez, martxoaren 8tik aurrera emakume, haur eta adinekoak Errusiako Federazioaren eremu seguruetara eramango dira".
Mariupoleko korridore humanitarioa minaz beteta dagoela ziurtatu du Gurutze Gorriak
Mariupoleko korridore humanitarioa minaz beteta dagoela ziurtatu du astelehen honetan Dominik Stillhart Gurutze Gorriaren Nazioarteko Batzordeko (CICR) zuzendariak.
Korridore humanitarioen inguruko akordioak ez direla oso zehatzak salatu du. Bi aldeak hitz egiten ari badira ere, zerbait "zehatza" adostea zaila izaten ari dela onartu du.
Zure interesekoa izan daiteke
COP30eko pabiloi bat hustu dute sute baten ondorioz
Belemgo (Brasil) Klimaren Goi-bileran (COP30) parte hartzen ari diren herrialdeetako ordezkaritzen bulegoetatik gertu piztu da sua. Agintariek Eremu Urdina deiturikoa hustu eta hesitu dute, negoziazio diplomatikoak egiten ari diren pabiloia, baina ez dela zauriturik izan argitu dute.
80 urte igaro dira Nurenbergeko epaiketetatik, gizakien aurkako gehiegikeriekin amaitzea helburu zuen prozesutik
1945eko azaroaren 20an hasita, Alemaniako nazien 22 goi-kargudun epaitu zituzten Nurenberg hirian. Hamabiri heriotza-zigorra ezarri zieten. Holokaustoaren antzerako izugarrikerien aurrean disuasiorako tresna izatea zuen helburu prozesu hark, baina, 80 urte geroago, adituek argi dute helburua ez duela bete.
Estatu Batuak eta Errusia Ukrainarako bake plan bat negoziatzen ari dira sekretupean
AEBko hainbat hedabidek aurreratu dutenez, 28 puntuko zirriborroa da, besteak beste, Ukrainako bakea, segurtasun bermeak eta Europako segurtasuna jorratzen dituena.
AEBko Senatuak Epsteinen paperak argitaratzeko legea onartu du eta Trumpi bidali dio, sina dezan
Ordezkarien ganberak aldeko 427 botorekin eta kontrako boto bakarrerekin onartu du lege proiektua; horri esker demokratek eskatu ahal izan dute legea prozedura laburtu baten bitartez bideratzea, eta errepublikanoen babesarekin, beste bozketa bat egitea saihestea.
Sanchezek iragarri du 615 milioi bideratuko dituela Ukraina armatzeko, eta 202 milioi, herrialdea berreraikitzeko
Bi aldeek segurtasun-akordioa sinatu zuten iaz. Horretan, Espainiak 2025ean laguntza militarrerako guztira 1.000 milioi euro bideratzeko konpromisoa hartu zuen.
Zelenskyk eta Sanchezek Picassoren "Gernika" ikusi dute, Reina Sofia museoan
Ukrainako presidentea eta Espainiako gobernuko presidentea Picassoren obrari buruz solsatu dira. Zelenskik, hain zuzen ere, Bizkaiko hiribilduaren kontrako bonbardaketa aipatu zuen 2022an Diputatuen Kongresura egindako bisitan.
NBEko Segurtasun Kontseiluak Trumpen Gazako "bake plana" onartu du, nazioarteko indar baten hedapena barne
Hamasek errefusatu egin du ebazpenean aurreikusitako nazioarteko indarra, ohartarazi du nazioarteko misioa ez dela neutrala, palestinarren subiranotasuna urratzen duela eta erresistentzia "eskubide legitimoa" dela. Guterresek dio Gazari buruzko ebazpenak su-etena finkatu behar duela eta zehaztasuna eskatu du.
Zelenskik Espainian egingo du geldialdia, bere gobernua astintzen ari den ustelkeria auziaren erdian
Ukrainako presidentea laguntza militarra eskatzen ari zaie Europako bazkideei, Errusia guda zelaian aurrera egiten ari den honetan. Errusiako Armadak egun gutxi batzuetan hainbat herri hartu ditu Zaporizhiako frontean, Ukraina hego-ekialdean.
Trumpek jarrera aldatu du eta Epsteinen artxiboak sekretupetik ateratzearen alde bozkatzeko eskatu die errepublikanoei
"Ez dugu ezer ezkutatzeko", adierazi du AEBko presidenteak sare sozialetan. Ordezkarien Ganberan astearte honetan egingo da bozketa, baina agiriak publiko aurretik Senatuak onartu eta Trumpek sinatu behar du.
Jara ezkertiarra eta Kast ultraeskuindarra lehiatuko dira bigarren itzulian, Txileko presidente izateko
Hautagai ofizialistak botoen % 26,7 eskuratu ditu lehen itzulian, bigarren gelditu den hautagai ultraeskuindarraren aurretik (% 24,1). Hala ere, abenduaren 14ko bigarren itzuliari begira ezkerrak aukera oso gutxi ditu presidentetza eskuratzeko, izan ere, oso litekeena da eskuineko blokeak eskuin muturreko hautagaia babestea.