Lau eszenatoki posible Ukrainako Gerran
Errusia Ukrainaren auka erasoak gogortzen ari da eta Putinek ez die jaramonik egin Macron Frantziako presidenteak eta Tayit Erdogan Turkiakoak gerra geratzeko egin dioten eskaerari. Hori dela eta, adituen ustez lau eszenatoki daude gerra honen garapenean.
1. Eszenatokia: berdinketa militarra
Orain arte, Ukrainako Armadak erresistentzia gogorra erakutsi du, nahiz eta erasotzailea askoz indartsuagoa izan. Boluntario asko ere borrokara batu dira. Mendebaldeko armekin eta zerbitzu sekretuen laguntzaz, Kievek eutsi dezake eta armada errusiarrarekin berdinketa lortu.
Mendebaldeko zigor ekonomikoen ondorioz, Putinek Ukrainako gobernua aldatu eta horren ordez gobernu-txontxongilo bat ezartzeko helburua bertan behera utzi lezake. Hala dio Samuel Charap Estatu Batuetako adituak.
2. Eszenatokia: aldaketa sakona Errusiako barne politikan
Putinen aurka herri-altxamendua eta presidentearen eraistea zaila dirudite une honetan, baina aditu batzuk ez dute baztertzen.
Bai Errusiako komunikabideei, bai atzerrikoei zentsura gogorra ezarri die Moskuko gobernuak. Askok alde egin dute: BBC, CBS, edo ZDFk, esaterako. Hala ere, milaka herritarrek parte hartu dute gerraren aukako protestetan, Errusiako hainbat hiritan igande honetan. 4000tik gora atxilotu ere egon dira.
Putinen segurtasun pertsonala oso ondo bermatuta egon ohi da, bat-batean segurtasun hori galtzen den arte, Errusian maiz gertatu den bezala. Hala azaltzen du Eliot A. Cohen, Washingtongo Ikerketa Estrategikorako Zentroko adituak.
3.Eszenatokia: Errusiaren garaipen militarra
Errusiako armadaren nagusitasuna dela eta, mendebaldeko adituen ustez, Errusiak gerra hau irabaz lezake. Putinekin hitz egin eta gero ostegun honetan Macron presidenteak azaldu duenez, Ukraina osoa hartzeko helburua du presidente errusiarrak, eta txarrena oraindik gertatzeko dago.
Hala ere, garaipen militar hori lortu arren, ez dirudi Errusiarentzat erraza izan daitekeenik okupazio militarrari luzaroan eustea, Ukrainak 40 miloi biztanle baino gehiago baititu.
4.Eszenatokia: gatazka handitzea
Ukraina ez dago ez Europar Batasunean, ez NATOn. Hala ere, muga dauka lau kiderekin. NATOko kide baten aurkako erasoa erakunde osoaren aurkakoa denez, NATO eta Errusia zuzenean borrokan has litezke. Adituen ustez, ez dirudi hori gerta daitekeenik istripu bat edo probokazio bat gertatzen ez bada, APFko Charap adituaren iritziz.
Haatik, gerra honetan biktima bat Moldavia izan daiteke. Ukraina eta Errumaniaren artean dago, eta ez da NATO, ezta Europar Batasuneko kidea ere. Aditu bat datoz: Putinen mehatxu askok Mendebaldeko gizartea beldurtzea dute helburu.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.