Aurrerapauso txikiak, Errusiako eta Ukrainako talde negoziatzaileen arteko hirugarren bileran
Ukrainako gerra hasi zenetik 12. eguna betetzen den honetan, hirugarren bilera egin dute Errusiako eta Ukrainako talde negoziatzaileek Bielorrusian. Biztanleak ebakuatzeko korridore humanitarioen logistika hobetzeko orduan aurrerapauso txikiak eman dituzte hirugarren bileran, Mykhailo Podolyak Ukrainako presidentearen Bulegoko aholkulariak esan duenez.
"Korridore humanitarioen logistika hobetzeko" orduan aurrerapauso txikiak eman dituztela azaldu du aholkulariak. Bi ordezkaritzak "su-etenaren" eta "segurtasun bermeen" inguruan ere mintzatu direla erantsi du Podolyakek.
Bitartean, Vladimir Medinski Errusiako negoziatzaile buruak adierazi duenez, korridore humanitarioak astearte honetan martxan jartzea espero du Moskuk.
"Elkarrizketetan gure itxaropenak ez dira bete, baina hurrengo hitzorduan aurrerapauso esanguratsuagoak ematea espero dugu. Negoziazioek jarraituko dute", esan du Errusiako negoziatzaile buruak, TASS albiste agentziaren arabera.
Bilera ateak itxita egin dute, eta hiru ordu baino gehiagoko iraupena izan du. Horregatik, atsedenalditxo bat egitea ere adostu dute, Interfaxek jakitera eman duenez.
Batzar horren atarian, Kieven, Mariupolen, Kharkiven eta Sumyn zibilak ebakuatzeko korridore humanitarioak irekiko dituela iragarri du Errusiako Armadak. Orain arte, porrot egin dute herritarrak ateratzeko egindako saiakerek.
Bi aldeen arteko lehen bilera otsailaren 28an egin zen, eta bigarrena, martxoaren 3an.
Bestalde, ahalegin diplomatikoak bere horretan jarraitzen badu ere, oraingoz ez du fruiturik eman.
Vladimir Putin Errusiako presidenteak eutsi egingo dio otsailaren 24an abian jarritako "operazio berezia"ri, inbasioaren aurkako erresistentzia ukrainarra azpiratu eta bere eskaerak onartzen dituzten arte.
Horixe adierazi die Putinek Ukrainan berehala su-etena ezar dezala eskatzeko deitu dioten zenbait agintariri; Recep Tayyip Erdogan Turkiako presidenteari, Neftali Bennett Israelgo lehen ministroari eta Emmanuel Macron Frantziako presidenteari, besteak beste.
Bestalde, Mevlut Cavusoglu Turkiako Atzerri ministroak astelehen honetan iragarri duenez, estatu otomandarrak hiruko bilera hartuko du ostegunean. Sergei Lavrov eta Dimitro Kuleba Errusiako eta Ukrainako Atzerri ministroak, hurrenez hurren, batzartuko dira.
Cavusogluk prentsaurrekoan zehaztu duenez, Antalya hirian egingo dute bilera. Batzarra "inflexio-puntua" eta Ukrainan bake eta egonkortasuna lortzeko "pauso garrantzitsua" izatea espero du. Gainera, Ankarak "bake iraunkorra lortzeko saiakeran" aurrera jarraituko duela erantsi du, Anatolia Turkiako albiste agentziak jaso duenez.
Txina bitartekari lanak egiten ari da Ukrainaren eta Errusiaren artean
Txina "bitartekari lanak egiten ari da" Ukrainaren eta Errusiaren artean, eta laguntza humanitarioa eskaintzeko ahaleginak egingo ditu, Wang Yi Txinako Atzerri ministroak gaur adierazi duenez.
Wang Yiren iritziz, laguntza humanitarioa "ez da politizatu behar", eta zibilei lagundu behar zaie: "Zibilak babestu behar dira, desplazatuei arreta jarri eta Ukrainan bizi diren atzerritarren segurtasuna bermatu" beren herrialdeetara itzul daitezen.
Ukrainak Denis Kireev hil du
Ukrainako zerbitzu sekretuek (SBU) Denis Kireev hil dute asteburuan, Errusiako ordezkariekin negoziazio mahaian eseri den ordezkari ukrainarretako bat, hain zuzen ere, traizioa leporatuta.
Tiro bat jota hil dute Kireev, atxilotuta zegoela, Pravda egunkariak goi mailako iturriak aipatuta jakinarazi duenez. Ukrainako Defentsa Ministerioak Denis Kireeven heriotza baieztatu du.
Errusiak uste du Txernobyl ez dela tokirik egokiena Ukrainako segurtasun nuklearrari buruz hitz egiteko
Errusiak uste du Txernobyl ez dela lekurik egokiena Energia Atomikoaren Nazioarteko Erakundearekin (IAEA) Energia Atomikoaren Nazioarteko Ukrainako instalazio nuklearren segurtasunari buruz hitz egiteko. Horrela adierazi du Mikhael Ulianov Errusiak Vienako nazioarteko erakundeen aurrean duen enbaxadoreak astelehen honetan.
Zaporizhiako zentral nuklearraren aurkako erasoaren ondoren gatazkaren bi aldeekin bilera egitea proposatu zuen Rafael Grossi IAEAko zuzendari nagusiak ostiralean.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.